«Джечбур Батл. Удмурт шӧм» фестивале пыриськизы 200 пала хип-хоп эктӥсьёс

Удмурт Дунне
By Удмурт Дунне Март 12, 2018 16:00

11-тӥ южтолэзе Ижын радъяськиз «Джечбур Батл. Удмурт шӧм» фестиваль. Иже вуылӥзы пӧртэм улосвылъёсысь 200 пала хип-хоп но хаус эктӥсьёс.

Фестивальлэн радъясез Алёна Скачкова 2-тӥ курсын гинэ дышетске ай, но ужез данъяськымон, уго ужрад 3-тӥ арзэ ортчиз ни, берпуметӥез устогес но кужмогес пӧрмиз.

— Малпасько, фестиваль туж умой ортчиз. Адӟиськиз, макем зол дасяськиллям вожвылъяськисьёс. Фестиваль син азьын кужмоя, тае адӟыса, данъяськоно, — вера Алёна Скачкова.

Огпол Удмуртилэн Тӧроез Александр Бречалов Удмурт кун университетысь студентъёсын пумиськылӥз, отысен ик егит нылаш элькун кивалтӥсез тодматӥз аслаз малпанэныз но куриз юрттӥськыны. Кызьы вера Алёна, соку ик визь-кенеш сётӥсь но шедиз, фестиваль но ӟеч пӧрмиз.

— Туэ та выллем ик ужрадъёс, Ижын сяна, ортчылозы Удмуртиысь вань городъёсын. Вормисьёс пыриськозы финалэ, кудӥз радъяськоз Ижын вуоно тулыс. Со сяна вань малпан фестивалез тодмогес карыны, отчы быдэс Россиысь адямиос пыриськыны мылкыд мед карозы шуыса, — пусйиз Удмуртилэн Тӧроезлэн но Правительстволэн администрациенызы кивалтӥсь Сергей Смирнов.

«Джечбур Батл. Удмурт шӧм» эктонъя фестивален эшшо огпол тодматскыны луоз на #Удмуртиязаряжает форум дыръя.

«Джечбур Батл. Удмурт шӧм» эктонъя фестивален эшшо огпол тодматскыны луоз на #Удмуртиязаряжает форум дыръя, со ортчоз Ижын 15-тӥ южтолэзе. Татын чузъяськозы егитъёслэн пӧртэм малпанъёссы, проектъёссы.

— Ужез кутскыку, мылкыд кулэ. Ӵемысь адямиослы со тырмыт луэ нырысетӥ но кулэ вамышъёс лэсьтыны, — пусйиз Сергей Смирнов. — Нош та борды элькун кивалтэт пичияк итӥськиз на ке, пичи ке но юрттӥськиз на ке — ужрад трос поллы устогес пӧрмыны быгатэ. Ми дась юрттӥськыны.

Мария Иванова

Туспуктэмъёс vk.com («Джечбур Батл. Удмурт шӧм»)

Удмурт Дунне
By Удмурт Дунне Март 12, 2018 16:00
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<