Богдан Анфиногенов но Мария Корепанова пырозы «Лица России. XXI век» книгае

Удмурт Дунне
By Удмурт Дунне Март 22, 2018 11:43

Мария Корепанова (Туспуктэм: vk.com (Мария Корепанова)

Богдан Анфиногенов/ Туспуктӥз Д. Корнилов.

Туэ сӥзьыл «Лица России. XXI век» книга-альбом потоз. Отчы пырозы Россиысь пӧртэм выжыосысь потэм егит муртъёс сярысь веранъёс но соослэн туспуктэмъёссы. Книгае котькин сюрыны уг быгаты — быръё анай кылзэс, культуразэс но сям-йылолъёссэс утьыны но азинтыны, калык кусыпъёсты юнматыны тыршись муртъёсты. 

Туннэ нуналлы экспертъёслэн кенешсы ӵектэм кандидатураос пӧлысь 40-зэ бырйиз ини. Ваньзы соос — Россилэн пӧртэм улосъёсысьтыз 20-40 аресъем муртъёс, уноез пырисько общественной движение, творческой коллективъёсы. Уноез тыршо культура, дышетон удысъёсын яке ужало газет-журналъёсын.

Шумпотымон, вормисьёс пӧлы шедизы Удмуртиысь 2 кырӟасьёс но: Богдан Анфиногенов но Мария Корепанова. Со сяна, книгае пыртозы нганасан но селькуп суредасьёслэсь Алексей Чунанчарлэсь но Александр Кулишлэсь, хант режиссёрлэсь Вера Кондратьевалэсь, пор суредась-дизайнерлэсь Евгения Кошкиналэсь, коми кылъя дышетӥсьлэсь Марина Вахниналэсь но мукет фин-угор егит адямиослэсь тусъёссэс.

«Лица России. XXI век» проект улонэ пыӵа, Россиысь Президентлэсь грантсэ кутыса. Быдэстэ сое Россиысь еврейёслэн национально-культурной автономизы. Нош книгаязы тросгес фин-угор тусъёс мед пырозы шуыса, сюлмаськиз Россиысь культурая финн-угор центр.

Елена Рябина

Удмурт Дунне
By Удмурт Дунне Март 22, 2018 11:43
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<