Вавожын Герд лыдӟонъёс ортчо

Удмурт Дунне
By Удмурт Дунне 15 февраля, 2018 13:49
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Туннэ Вавоже быдэс элькунысьтымы тодосчиос, гожъяськисьёс, дышетӥсьёс, пиналъёс, «кенешчиос», кивалтӥсьёс люкаськизы. Соосты огазеязы элькун Герд лыдзонъёс.

Та научно-практической конференция «Удмурт Кенеш» кичӧлтэмъя туэ 21-тӥзэ ортче ини. Арысь аре отын выль тунсыко ужъёсынызы, докладъёсынызы тодмато шаерысьтымы золъёсыз тодосчиос.

«Удмурт Кенеш» огазеяськонлэн тӧроез Татьяна Ишматова тау кариз конференцие вань лыктэмъёслы:

— «Кенешчиос», дышетӥсьёс вылын возиське культурамы, кылмы, асьмеос трос лэсьтыны тыршиськом азинскон понна. Та ужрад кыӵе ке анализ кадь мед луоз, мед татысь бурдъяськем мылкыдын, выль малпанъёсын бертом. Азьланяз но, номыр шоры учкытэк, асьмеос одно ик дышетыны кулэ удмурт кылмес.

Пленарной заседаниын вераськизы тодосчиос, гожъяськисъёс Алексей Арзамазов, Галина Шушакова, Александр Шкляев, Николай Кузнецов, Людмила Бусыгина, Лариса Дмитриева но мукетъёсыз.

Нимысьтыз кыл сётэмын луоз пиналъёслы но: тунсыко выступлениос дасяллям Вавож ёросысь Гурезь-Пудга школаысь но Ижысь К. Герд нимо гимназиысь дышетскисьёс.

Конференция йылпумъяськем бере калык люкиськоз 4 группаослы но мыноз 4 пӧртэм эштосъёсы, отын соослы ортчытозы экскурсия. Пусйыны кулэ: ужрадэз Вавож ёрос ас кужмыныз радъяз, бюджетысь уксё басьтытэк.

Елена Рябина

Удмурт Дунне
By Удмурт Дунне 15 февраля, 2018 13:49
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<