«Удмурт дуннелэсь» кубоксэ басьтӥзы пургаос

Удмурт Дунне
By Удмурт Дунне Февраль 5, 2018 11:08

4-тӥ феврале Сьӧлта ёросысь Югдон гуртын ортчиз «Удмурт дуннелэн» кубокез понна куасэн бызьылонъя 56-тӥ ӵошатскон. Туэ со радъяськиз Сьӧлта ёрос администрация юрттэмъя.

Егоров

«Удмурт дуннелэн» кубокез понна ӵошатскизы ог 300 спортсменъёс.

Куас сюрес вылын кужымзэс возьматыны люкаськылӥзы 17 ёросъёсысь но Ижкарысь 300 пала спортсменъёс.

Данак спортсменъёссэс — 40-лэсь тросгес — дасяллям асьсэос сьӧлтаос. Быдэс автобусэн Югдонэ вуизы киясаос но. Кыдёкысь куноос но вал — Яр, Глазов, Балезино, Алнаш ёросъёсысь. Спортсменъёслы вольыт сюрес но вормонъёс сӥзизы Сьӧлта ёрослэн йырыз Василий Протопопов, Кун Кенешысь депутат Юрий Тюрин, Кильмезь муниципал кылдытэтлэн йырыз Олег Пчельников, «Удмурт дуннелэн» валтӥсь редакторез Зинаида Рябинина.

Ӟырдыт вожвылъяськон пуромиз котькуд стартын. Тужгес кузь дистанциез — 5 иськемез — ортчизы 18-40 аресъем воргоронъёс. 50-55 аресъем кышномуртъёс но пиосмуртъёс ортчизы 2 но 3 иськемез. Арлыдо воргоронъёс но кышноос потӥзы 2 но 1 иськеме, нимаз стартъёс радъяськизы семьяос куспын. Оглом вераса, ӵошатсконын шудытӥськиз 76 медаль.

Шумпотымон, газетлэн кубокез понна радъям ӵошатсконъёсы ялан пыриськыло но вормонъёс утыло газетлэн кемалась эшъёсыз: Вавожысь Надежда Жуйкова, Яр ёросысь Юлия Рудина, Пичи Пурга ёросысь Лидия Близнецова. Семьяосын вормисьёс пӧлы арысь аре сюрыло Кизнерысь Кобелевъёс, Киясаысь Баймурзинъёс, Вавожысь Зайцевъёс, Дэри ёросысь Малыхъёс, Кезысь Главатскихъёс.

Нош газетлэсь кубоксэ таяз радэ утӥзы пургаос. Ёрослы вормон вуттӥзы П. Николаев, В. Никитин, А. Зернова, С. Филимонова, Е. Васильева, А. Эрекеев, Н. Семёнов, Г. Петрова но мукетъёсыз. 2-тӥ интые потӥзы киясаос, 3-тӥ интыын — сьӧлтаос.

 Ангелина СНИГИРЁВА

Туспуктӥз Максим Егоров

 

Удмурт Дунне
By Удмурт Дунне Февраль 5, 2018 11:08
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<