Туэ Удмуртиысь 19 эрекчам дольщиклы юрттэмын луоз

Удмурт Дунне
By Удмурт Дунне Февраль 6, 2018 11:30

Та нуналъёсы Россилэн Президентэзлэн Приволжск федерал округъя оскем муртэз Михаил Бабич вуылӥз Пенза улосвылэ. Отын со пумиськылӥз эрекчам дольщикъёсын. Удмуртиын таӵе югдуре шедемын 300-лэсь уно адямиос.

Корка пуктӥсьлы ми дунтэк музъем сётӥськом, нош со кӧня ке квартираоссэ висъя эрекчам дольщикъёслы.

Та ужпум Россиысь котькуд улосвылын лэчыт луэ. Кызьы со сэрттӥське?

— Корка пуктӥсьлы ми дунтэк музъем сётӥськом, нош со кӧня ке квартираоссэ висъя эрекчам дольщикъёслы, — шуиз Михаил Бабич. — Владимир Путин куриз дасяны ужкагаз, солы луыса пуктыны кутскымтэ коркась квартира басьтыны адмиос уз быгатэ ни. Таӵе вамыш кунмылэн экономикаезлы пайда уг вайы. Угось корка лэсьтисьёс шуозы: кызьы ми уксётэк пуктӥськом. Но Президент дӥсьтӥз калыкез утён понна.

Удмуртиын дольщикъёсты пӧяськись застройщикъёслэсь утён понна 42-РЗ закон кутэмын. Соя оскымон лэсьтӥськисьёслы дунтэк музъем сётӥське, со понна лэсьтӥськисьёс кӧня ке квартираоссэс висъяло пӧям дольщикъёслы. Лэсьтэмын дорожной карта. Та дырлы планэ пыртэмын 9 йылаз-пумаз вуттымтэ коркаос, отысь квартираосты басьтэмын 304 адями. 42 адямилы юрттэмын ни, туэ шудо луоз эшшо 19 мурт.

Кытын пуктӥськон уретэмын?

  1. Ижкар, Ленин ёрос, Орсовской, 1а (Баранова) урамысь яке «Лесхозный» комплекс. Реестре пыртэмын 149 адями.
  2. Ижкар, Устинов ёрос, Сабурова ульчаысь 13-тӥ коркалэсь 70 метр кеме уйпала интыяськем юрт. Реестре пыртэмын 23 адями.
  3. Ижкар, Индустриальной ёрос, Л. Толстой ульча, 24-тӥ юрт (1-тӥ сектор). Реестре пыртэмын 20 адями.
  4. Дэри ёрос, Хохряки гурт, П. Чайковский ульча, «Родниковый край» комплекс. Реестре пыртэмын 1 адями.
  5. Ижкар, Ленин ёрос, Петров ульча, 49-тӥ корка вӧзысь 16 этажъем юрт. Реестре пыртэмын 53 адями.
  6. Ижкар, Индустриальной ёрос, Широкий пролка, 123-тӥ юрт. Реестре пыртэмын 18 адями.
  7. Ижкар, Октябрь ёрос, Нижняя урам, 38-тӥ, 39-тӥ юртъёс. Реестре пыртэмын 54, 91 адями.
  8. Ижкар, Ленин ёрос, Автономная ульча, Шунды посёлок котырысь юрт. Реестре пыртэмын – 23 адями.

Сергей Захаров

Туспуктэм: udmurt.ru

Удмурт Дунне
By Удмурт Дунне Февраль 6, 2018 11:30
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<