Шаерамы пичиесь пекарняос 249 лыдъясько. Малы ӝожтӥське калык?

Удмурт Дунне
By Удмурт Дунне 26 февраля, 2018 09:41

Шаерамы пичиесь пекарняос 249 лыдъясько. Таос пӧлысь 150-эз — Ижын. Пекарняослэн лыдзы берло дыре шоркарамы гинэ 5 поллы йылӥз ни. Нош будӥз-а няньлэн ӟечлыкез?

Уноез пекарняос коркаослэн нырысетӥ этажъёсазы интыяськемын. Вентиляциез но, канализациез но лэсьтэмын ӧвӧл. Таин сэрен квартираосы урод зын тубе, куараос ялан кылӥсько.

Тодосчиос лыдъямъя, Россиын арлы быдэ 11,48 миллион тонна нянь но пыжиськем потто. Зэм, берло дыре бадӟымесь предприятиос вуззэс кулэстоно луо, калык угось пичиесь пекарняосысь уногес басьяськыны кутскемын. Шаерамы кылем ар ӵоже бадӟымесь предприятиосын нянь пыжон 4,5 процентлы синӥз. Со дыре ик пичиесь пекарняос вылэ ӝожтӥськонъёс йыло но йыло. Кылсярысь, миым Роспотребнадзорысь специалистъёс пекарняосты эскерыны 23 пол поталлязы — ваньмыз со калыклэсь ӝожтӥськонъёс вуэм бере. Урод пызьлэсь, куддыр воксё но фуражлэсь нянь пыжон учыръёс шараяськылӥзы. Уноез пекарняос коркаослэн нырысетӥ этажъёсазы интыяськемын. Вентиляциез но, канализациез но лэсьтэмын ӧвӧл. Таин сэрен квартираосы урод зын тубе, куараос ялан кылӥсько.

— Нош бадӟым магазинъёсын бинялтымтэ нянь колдыосты уробоен супермаркет шоры потто. Адямиос колдыез кутыло кырсь киынызы. Законъя вань сиён-юон упаковкаын луыны кулэ, — шуэ Кун Кенешысь Гурт удысъя, музъем кусыпъёсъя, инкуазь узырлыкъёсъя но инкуазез утёнъя ялан ужась комиссиен кивалтӥсь Владимир Варламов.

Та ужпумъя Кун Кенешын котырес ӝӧк сьӧрын кенешон ортчиз. Ужбергатӥсьёслы законэз, чылкытлыкез чакланъя куронъёс тупатэмын. Пекарняосты, коркан улӥсьёсын кенешыса, усьтыны косэмын. Пумитъяськись луиз ке, пекарня пуктыны алоно. Зэм, куд-огез кескич ужа: промышленной товарен вуз каром шуыса нырысь сэрег усьто, собере сое вузало, отчы пыжиськон инты усьто. Куд-огаз кафе нергеен сое огазеяло. Нош калыклэн кизэ миськыны но, сьӧросэ ветлыны но сыӵе азьын луонлыкез ӧвӧл. Та пумысен но ужбергатӥсьёслы сюлмаськыны-малпаськыны косэмын. Азьланяз Кун Кенешысь депутатъёс нянь сярысь закон кылдытон борды басьтӥськыны чаклало. Владимир Варламов верамъя, туннэ сыӵе закон Россиысь 1 улосын гинэ кутэмын — Краснодар крайын.

Елена Сараматова

Удмурт Дунне
By Удмурт Дунне 26 февраля, 2018 09:41
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<