Обороная заводъёс ужалозы калык понна

Удмурт Дунне
By Удмурт Дунне Февраль 8, 2018 12:19

Обороная заводъёс ӝынызэ вузъёссэс огшоры улон-вылонын кутон понна поттыны кулэ. Сыӵе ужпум пуктэмын 2030-тӥ арозь.

«Аксион», «Купол» заводъёс, «Калашников» концерн, Воткинскысь завод малпаськонэ усемын ни, ӝоген проектъёссэс шараялозы.

Кыӵе вуз котькудӥз завод поттыны быгатоз азьланяз? Мар борды со басьтӥськыны дась? Кыӵе юрттэт кулэ заводъёсл? Та юанъёслы валэктон шедьтон вылысь Кун Думаын кылдытэмын нимысьтыз группа. Отчы пыре Кун Думае Удмуртилэсь быръем депутат Андрей Исаев но. Шаерамы вуылыкуз, журналистъёслы та пумысен шуиз:

— Обороналы чаклам кун заказ ялан йылыны нокызьы уг быгаты. Нош татын юнэсь кадръёс, туала куронъёслы тупась техника. Та узырлыкез ыштыны уг яра. Соин ик заводъёслы мукет вуз поттон сярысь но сюлмаськыны кутсконо.

Но выль сямен ужаны тӥрлыкез выльдыны кулэ. Андрей Исаев лыдъямъя, законэн юнматыны кулэ, выльдӥськонлы кунгож сьӧрысь техникаез, роботъёсты вайыны алоно шуыса, сыӵе тӥрлык Россиысь заводъёсын но потто яке поттыны луоно ке. Со дыре ик сюлмаськоно: кин понна лэсьтоно выль вуз, кытчы сое келяно? Поттод но складэ люкаса уд возьы ук. Таин валче Андрей Исаев но Кун Думаысь мукет депутатъёс, Алексей Загребин, Валерий Бузилов, шаерысьтымы заводъёсын ужасьёсын пумиськыло. «Аксион», «Купол» заводъёс, «Калашников» концерн, Воткинскысь завод малпаськонэ усемын ни, ӝоген проектъёссэс шараялозы. Мукет улосъёсысь заводъёс но та ужпум бордын ужало. Андрей Исаев верамъя, Кун Думалэн тулыс сессиез дыръя законлэсь проектсэ эскерозы.

Елена Сараматова

Удмурт Дунне
By Удмурт Дунне Февраль 8, 2018 12:19
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<