Мыноз-а Максим Вылегжанин Олимпиадае?

Удмурт Дунне
By Удмурт Дунне 1 февраля, 2018 17:47

Кылем арын  калыккуспо олимпийской комитет (МОК) Россиысь 28 спортсменъёсты Олимпиадаосы пыриськонлэсь алӥз вал. Спортсменъёс чылкытэ потон понна вазиськизы Лозаннаысь Спорт ужпумъёсъя арбитражной судэ (CAS). Туннэ, 1-тӥ тулыспалэ,  тодмо луиз: суд спортсменъёслы дур басьтӥз. Та сярысь ивортӥз «Удмуртия» ивор вӧлмытонъя агентство, судлэн вотэсбамаз чӧлскыса.

Спортсменъёс вылысь вань тунгонъёс куштэмын ке но, али но тодмо ӧвӧл на, мынозы-а соос Олимпиадае.

«Янгыше уськытэм ужъёс пумозяз уг верало, спортсменъёс допинген герӟаськем куронъёсты тӥязы шуыса. 28 спортсменъёслэн вазиськонъёссы понна дур басьтэмын, соос вылысь санкциос куштэмын, нош Сочиын ортчем олимпиада дыръя басьтэм вормонъёссы берыктэмын», верамын Спорт ужпумъёсъя арбитражной судлэн вотэсбамаз.

Та 28 спортсменъёс пӧлы Удмуртиысь куасэн бызьылӥсь Максим Вылегжанин но сюремын вал. Спортсменъёс вылысь вань тунгонъёс куштэмын ке но, али но тодмо ӧвӧл на, мынозы-а соос Олимпиадае. Уго калыккуспо комитет та 28 спортсменъёсты котькудзэ ӵошастконъёсы нимысьтыз ӧтьыны кулэ.

Мария Векшина

Удмурт Дунне
By Удмурт Дунне 1 февраля, 2018 17:47
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<