Кытын вордскемын пельнянь?

Удмурт Дунне
By Удмурт Дунне Февраль 9, 2018 14:19

Сибиряклэн, удмуртлэн, коми-пермяклэн я китайлэн гур азь палаз? Та пумысен олокӧня дауръёс ӵоже споръяськонъёс мыно ини.

«Пельнянь нунал» фестиваль 2015-тӥ арысен быдэс Россиысь куноосты ӧтча.

— Малпаськонэз ик ӧвӧл, пельнянез малпазы удмуртъёс но комиос, ӵош улыкузы. Малы ке шуоно коми кылын но сиёнлэн вашкала нимыз кылемын на — «пельнянь», — вера удмуртъёслэсь сиён-юонъёссэс эскерись Елена Трофимова.

Пермь котырын пельнянь кылдӥз 17-тӥ даурлэн кутсконаз, гожтэ аслаз научной ужъёсаз Пермской научной центрысь П. Корчагин. Нырысьсэ соос пӧрамын вал Часовняын но Казармаын  (али соос Коми-Пермяк автономной округе пыро) — татын шутэтскылӥзы Москваысь Сибире, Сибирьысь Москвае мынӥсьёс. Пельняньлэн ӵыжы-выжыез луэ «кундюмы» (пельёс) — та  сиён губилэсь лэсьтӥське.

Но пермь выжыысь калыкъёс  «кундюмы» сиёнэз воксё но мукет сямен пӧраны кутскиллям, соин ик тодосчи шуэ: пельнянь — асьме калыкъёслэн малпам сиёнзы. Со сяна, коми-пермякъёслэн «кундюмы» сиёнзы нимаз кылемын на — губиен пӧрам  пельнянез отын «пелиез», «кундюбки» нимало. Тунсыко: пӧзись вуэ куштон азьын сое нырысь пыжо, «пельёсыз» медаз усьтӥське шуыса.

Озьы ке но котькуд калык пельнянез аслаз шуэ. 1990-тӥ аръёсы удмурт азьветлӥсьёс та сиёнлы патент но басьтыны медо вылэм, вань кулэ документъёсты но бичаллям.

Нош кызьы пельнянь герӟаськемын Сибирен? Шор дауръёсы Москваысь Сибире ветлӥсьёс ӧз бырылэ. «Государевой» сюреслэн оглюкетэз пермь выжы калыкъёслэн музъемъёссы вылтӥ ортче вал. Но сюресчиослы толалтэзэ туж секыт йӧтылӥз. Урал палан гуртъёс шер пумиськыло, тӧл пельтэ, сиён кынме. Нош пельнянез кынтыса туж умой нуллыны, пӧзе но чаляк. Соин ик сюресчиослэн сьӧразы ӵемысь кынтэм пельняньзы луэ вылэм. Сое тыл вылын пӧзьто но — кӧтсы тыр. Но маиз валантэм: пельнянь  ми дорысь Сибире кошкиз яке Сибирьысь ми доры вуиз? Яке воксё но Китайысь? Уго вань на мукет малпан: Урал пала пельнянь, пе, Китайысь вуэмын. Кызьы? Та сиёнэз вуттӥзы яке бигеръёс, яке коми калык ик, Китай палась калыкен кусып возьыкуз.

Озьы ке но котькуд калык пельнянез аслаз шуэ. 1990-тӥ аръёсы удмурт азьветлӥсьёс та сиёнлы патент но басьтыны медо вылэм, вань кулэ документъёсты но бичаллям.

— Ми малпамы: удмуртъёс дуннелы пельнянез кузьмазы бере, умой луысал солы патент басьтыны, соку котькуд вузам пельняньлэсь калыклэн кисыяз коньыен-коньыен люкаськысалыз, — вера профессор Владимир Владыкин. — Но ӧз пӧрмы. Кышказы, лэся, зол узырмом шуыса. Шуизы: нош та сиёнэз мукет кин ке малпаз ке?

Но, шуысалмы, пельняньлэн историяз тужгес бадӟым пытьы удмуртъёс ик кельто. Ижын 2004-тӥ арын пуктэмын пельняньлы сӥзем памятник. «Пельнянь нунал» фестиваль 2015-тӥ арысен быдэс Россиысь куноосты ӧтча. Нош кытын меда Удмуртиын мында пельнянь пӧрась предприятиос вань на!

Мария Векшина, 

 Елена Миннигараева

Туспуктэм: udmurt.ru

«Пельнянь шудонъёсы» пыриськозы Россиысь улосвылъёс

Удмурт Дунне
By Удмурт Дунне Февраль 9, 2018 14:19
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<