Йӧл понна юрттэт йылоз

Удмурт Дунне
By Удмурт Дунне Февраль 13, 2018 14:11

Шаерысьтымы хозяйствоослы ватсаса висъяны чакламын ог 200 миллион манет. Со юрттоз йӧл кысконын-вузанын кылдэм шуг-секытысь потыны.

Йӧллы закупочной дунъёс берло толэзь ӵоже 16-18 манетозь усемен, гуртоос йыр бордазы кырмиськизы ни вал. Уждун тырыны гинэ но номырин луиз, тулыслы удобрение но кидыс басьтон сярысь веранэз ик ӧвӧл. Та пумысен Удмуртилэн Тӧроез Александр Бречалов паськытатэм кенеш ортчытӥз. Ужрадэ пыриськизы кужмо хозяйствоослэн, переработкаен вырись предпиятиослэн кивалтӥсьёссы, гурт удысын ужасьёслэн профсоюзазы пырисьёс но мукетъёсыз. Котькудӥз югдырысь потон пумысен малпанзэ-адӟонзэ вераны быгатӥз.

Александр Бречалов шуиз: асьмеос ваньзэ лэсьтыны кулэ йӧл кысконэз шаерамы азинтон понна. Гурт удысъя но сиён-юонъя министерстволы косэмын кылдэм юанъёсты сэрттон-пертчон борды рос-прос басьтӥськыны, кытын луэ, отысь субсидиосты йӧл поттон удыс висъяны. Алекандр Бречалов вазиськиз заводъёслы но, йӧл дунэз огкадь возьыны курыса. 1 литрез 21-22 манетлэсь улӥын луыны кулэ ӧвӧл, шуиз Тӧро. Дун таӵе возиськиз ке, хозяйствоослы ужаны трослы каньылгес луоз. Александр Бречалов пусъемъя, асьме йӧлмес Россиысь эшшо тросгес улосъёсын вузан понна сюрес утчалозы.

Шаркан ёросысь «Ошмес» но «Восход» хозяйствоослэн кивалтӥсьсы Анатолий Хохряков кенешысь каньыл сюлмын потӥз: милемыз кылӥзы, шуиз со. Нялтас вераса, солэн 2 хозяйствояз 3 сюрс кысконо скалэз.

Нуналлы быдэ заводъёсы келяло 58 тонна йӧл. Ёросын та тужгес бадӟымез лыдпус. Анатолий Хохряков лыдъямъя, йӧл дун ялан уз усьы, ӝоген ваньмыз интыяз пуксёз. Заводъёс но валазы: йӧл дун пичи возиськиз ке, хозяйствоос пытсаськыны быгатозы. Кун Кенеш чакла нимысьтыз законлэсь проектсэ кылдытыны, азьланяз кунгож сьӧрысь кӧс йӧл ичигес мед вуоз шуыса. Та проектэз Москвае Кун Думае келяны медо.

Сергей Захаров
Туспуктэм: udmurt.ru

Удмурт Дунне
By Удмурт Дунне Февраль 13, 2018 14:11
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<