Быръёнъёс дыръя ужалозы наблюдательёс

Удмурт Дунне
By Удмурт Дунне 27 февраля, 2018 10:23
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Общественной палата быръёнъёсты чакланы кулэ.

Удмуртиысь Общественной палата Россилэсь Президентсэ быръёнлы наблюдательёссэ дася. Соос ужалозы Удмуртиысь быръёнъёсъя ваньмаз ик 1 сюрс 204 участокын.

Удмуртиысь Быръёнъёсъя валтӥсь комиссия (ЦИК) но Общественной палата куспын ӵош ужанъя огкыл кутэмын ни вал кылем ар пумын. Соя Общественной палата 18-тӥ мартэ ортчоно быръёнъёсты чакланы, со понна нимысьтыз наблюдательёсты висъяны, соосты дышетыны кулэ.

— Наблюдательёсты ми кутомы пӧртэм общественной огазеяськонъёсы пырисьёс, студентъёс пӧлысь, адямиос асьсэ мылкыд каремзэс веразы ке. Пӧлазы — студентъёс, журналистъёс, мукет удысъёсын ужасьёс, — пусйиз Общественной палатаен кивалтӥсь Павел Вершинин. — Наблюдатель луыны быгатэ 18 арессэ тырмытэм адями гинэ. Наблюдатель луыны уг быгато депутатъёс, субъектъёслэн кивалтӥсьёссы, интыысь администрациослэн йыръёссы, судьяос, прокуроръёс, быръёнъёсъя комиссилэн ёзчиосыз (валтӥсь куара сётон правозы ке вань).

Со сяна, ЦИК-лэн куремезъя, умой луысал, наблюдатель туала телефонъёсын, социальной сетьёсын ужаны быгатэ ке. Участокысь кыӵе ке умойтэм учырен пумиськыса, кулэ иворез, туспуктэмез со соку ик келяны быгатысал Общественной палаталэн ситуативной центраз.

Котькуд участокын общественникъёслэн нимынызы 1 гинэ наблюдатель ужаны быгатэ. Нош мылкыд карисьёс тросгес луизы ке? Соку соос ог-огзэс вошъяны быгатозы, пе. Шуом, одӥгез нуназеозь ужаз, мукетыз — ӝыт.

Нош луозы-а республикаямы кунгож сьӧрысь наблюдательёс?

Шаерысьтымы Общественной палатаысь бырйисьёслэсь правооссэс чакланъя группаен кивалтӥсь Рашид Хуснутдинов пусйиз:

— Одно луозы. Республикаямы вуэмын ни Испаниысь наблюдатель Педро Моуриньо. Асьме доры со 2012-тӥ арын ортчем быръёнъёсы но вуылӥз. Эшшо кинъёс лыктозы, али вераны ум быгатӥське на.

Шаерысьтымы студентъёс пӧлын наблюдатель кариськыны мылкыдоос трос. Сыӵеос 22-тӥ-23-тӥ февралёзь вазиськыны кулэ Общественной палатае 8 (3412) 23-28-55 номеро телефонъя. Юромо наблюдательёс понна 25-тӥ феврале республикаямы ортчоз общественной форум. Отчы 1 сюрс пала адями пыриськоз.

Елена Васильева

Удмурт Дунне
By Удмурт Дунне 27 февраля, 2018 10:23
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<