Быръёнъёс-2018: Дорын ӧвӧл ке, кытын куараме сётоно?

Удмурт Дунне
By Удмурт Дунне 19 февраля, 2018 15:17

Кык толэзьлы Уйпала ужаны кошкисько. 18-тӥ мартэ отын луо. Нош пропискае Удмуртиын. Кытын но ку куараме сётыны быгато?

Кин уз быгаты быръёнъёсы лыктыны аслаз улон интыезъя, соос куриськыны быгато мукет участоке. Со понна 31-тӥ январьысен 12-тӥ мартозь котькудаз МФЦ-ын, яке быръёнъёсъя улосвыл (территориальной) комиссиын, яке «Кун услугаос» портал пыр заявление гожтыны луэ. Нош 25-тӥ февральысен 12-тӥ мартозь таӵе заявление сётыны луэ ни участковой комиссиосы но. Вахта амалэн ужасьёс тазьы куриськон гожтыса ӧз вуэ ке, огдырлы улон интыязы (место временного пребывания) заявление сётыны быгато. Сак кариське: 17-тӥ мартэ 14 часлэсь вазьгес куриськыны кулэ.

Мыным ӵектӥзы быръёнъёс дыръя чаклась (наблюдатель) луыны. Эскероно участокын ужан вискам ик яра-а куараме сётыны?

Чаклась быгатэ куаразэ сётыны со участокын, кытын со быръёнъёслэсь радъяськемзэс эскере. Со понна 31-тӥ январьысен 12-тӥ мартозь котькудаз МФЦ-ын, яке быръёнъёсъя улосвыл комиссиын, яке «Кун услугаос» портал пыр заявление гожтыны кулэ. Нош 25-тӥ февральысен 12-тӥ мартозь таӵе заявление сётыны луэ ни участковой комиссиосы но.

Шутэтскон нуналъёсы — 17-тӥ-18-тӥ мартэ — кытчы ке шуак кошконо кариськи ке, кытын куараме сётыны быгато?

Быръёнъёсы пыриськыны соку уд быгатэ. 13-тӥ мартысен заявление гожтыны луэ участковой комиссиын — отын тӥ улон интыдыя списоке юнматэмын. Отын пусйыны кулэ, кыӵе интые мыныны чакласькоды. Нош куара сётон нуналэ номыр карыны уз ни пӧрмы.

Удмурт Дунне
By Удмурт Дунне 19 февраля, 2018 15:17
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<