Быдӟым удмурт диктант: Эскеры астэ, текстэз тупатъяса

Удмурт Дунне
By Удмурт Дунне Февраль 28, 2018 11:25

Быдӟым удмурт диктант: Эскеры астэ, текстэз тупатъяса

Толэзьлэсь кема на бадӟым удмурт диктант гожтытозь — со туэ 31-тӥ мартэ луоз. Асьмелэн дырмы вань на солы дэмен дасяськыны. Ми дэмламы вал текстэз шонер гожтыны. Эскере асьтэдыс, тани шонерез. 

Василий Широбоков

Февраль

Таиз толэзь йылпумъя толэз, ӧс ӵоге тулысэ потыны. Вашкала удмурт календарьын февралез тулыспал нимало вылэм.

Нунал ялан будэ. Пумен вылэгес вылэгес ӝутскись шунды асьме шоры вешась тусынгес учкылэ ини. Нуназе, чыс-чыс дыръёсы, со ӧжытак шунтылэ но. Нош толэзь пумын куд-ог нуналъёсы липет вылысь шапыкъёс но усьыло, чильпырась йӧӟузыриос ошиськыло.

Лек тӧласькыку, нюлэскысь писпуосысь векчи йӧ лымы пужнӥськыса ваське, кызъёс, пужымъёс йылысь южсам лымы куашка. Сайкыт адскись нюлэсо гурезь вадьсын, вылӥын, сьӧд кырныжъёс поръяло но кесясько: «Трон трос! Трон трос!»

Чырткемгес карисько тылобурдоос но пӧйшуръёс. Пислэг писпуостӥ сиён утчаса ветлон куспетӥз кырӟа но кырӟа — тулыслэсь лыктэмзэ данъя.

Феврале тылобурдоос сиёнтэк тужгес курадӟо. Соин ик соосты сюдон сярысь али юнгес сюлмаськоно. Пиналъёс медаз вунэтэ асьсэлэсь ӟеч ужзэс: кормушкаосы турын кидысъёс, нянь пырыос ӵемгес мед тырылозы. Собере али ик умой луысал ни юбер чуркаосты ошылыны — соос тӧласалзы. Ӵыжак-выль юртъёсы бурдоос кышкасагес каръясько.

Удмурт Дунне
By Удмурт Дунне Февраль 28, 2018 11:25
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<