Алина Загитова, 82,92 балл люкаса, дуннелэсь рекордзэ выльдӥз

Удмурт Дунне
By Удмурт Дунне Февраль 21, 2018 16:35
РИА Новости. Александр Вильф

Алина Загитова

Таяз арнянуналэ Лымшор Кореяын Олимпиада йылпумъяськоз Россиысь спортсменъёслэн командазы, кужмо спортсменъёстэк ветлӥз ке но, медальёстэк ӧз кыльы.

Та Олимпиадаын паймытӥзы куасэн бызьылӥсьёсмы, ӵошатсконлэсь биньгозызэ киязы басьтӥзы егитъёс. Шумпотоно, ваньмаз сямен стартъёсын соос медаль утӥзы.

Шаерысьтымы 3 мурт та ӵошатсконэ мынэмын. Биатлонистка Ульяна Кайшева. Со понна вожвылъяськон йылпумъяськиз ни 20-тӥ феврале ик. Суро эстафета дыръя 1-тӥ этапез бызиз, ыбылӥськонын 3 пол янгышаз. Мукет эшъёсыз но та нуналэ чылкыт ыбылӥськыны ӧз быгатэ. Пусйыны кулэ, та дырозь Россиысь биатлонистъёс тол Олимпиадаосысь медальёстэк ӧз на бертылэ вал.

Хоккеистка Евгения Дюпина. 21-тӥ феврале Россиысь нылкышно команда бронза медаль понна нюръяськиз Финляндиысь командаен. 3:2 лыдын келяса, 4-тӥ интые кылиз. Со понна воргоронъёслэн шудонзы азьланьтӥське на, соос полуфиналэ шедемын.

Фигуристка Алина Загитова. 21-тӥ феврале фигуристъёс кужымзэс мертазы вакчи программаын, шумпотоно, Алинамы, котькинлэсь трос — 82,92 — балл люкаса, дуннелэсь рекордзэ выльдӥз. Чидатэк витиськомы произвольной программаез, со луоз 23-тӥ феврале.

Удмурт Дунне
By Удмурт Дунне Февраль 21, 2018 16:35
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<