Выль ар праздникъёсы 315 нылпи вордӥськиз

Удмурт Дунне
By Удмурт Дунне Январь 15, 2018 09:01

166 пи но 149 ныл.

Та сярысь ивортӥз тазалыкез утёнъя министрлэн воштӥсез Людмила Гузнищева.

— Туэ Выль арез туж умой пумитамы: кылем арен ӵошатыса, 72 нунылы тросгес вордӥськиз. Шумпотымон, ваньмыз тазаесь. Туэ 5 кыктоослы узырмимы, кылем арын та вакытэ ик кыктоен 1 анай гинэ вал. Берло 3 арзэ чаклано ке, лыдпусъёс возьмато: пиос, нылъёс сярысь, тросгес вордӥсько, таяз аре но югдур ӧз воштӥськы, — валэктӥз Л. Гузнищева.

Умой соиз — тросэз нылпиос югыт дуннез адӟизы Выль ар бере, иське, Россилэн Президентэз Владимир Путин кичӧлтэмъя та семьяос пособие басьтыны быгатозы.

Выль ар шутэтскон нуналъёсы врачъёс дӥне, юрттэт курыса, тросгес вазиськизы пиротехникалэсь сӧсырмемъёс. 34 сыӵе учыр пусъемын.

Но кызьы валэктӥз Людмила Гузнищева, зол вӧсь луэмъёс таяз радэ ӧй вал. Тросэз адямиос бенгальской тылъёсын сэрен киоссэс сутылӥзы. Врач дӥне вуттэмын 8 нылпи: огез больницае кельтэмын, мукетъёсыз эмъюрттэт сётэм бере доразы келямын.

Ангелина Снигирёва

Туспуктӥз А. Горбунов

Удмурт Дунне
By Удмурт Дунне Январь 15, 2018 09:01
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<