«Удмурт дуннелэн» кубокез понна 56-тӥ ӵошатсконъёс ортчозы Сьӧлта ёросын

Удмурт Дунне
By Удмурт Дунне Январь 23, 2018 09:35

Туэ 4-тӥ тулыспалэ (феврале) газетлы тырме 103 ар, ӵап та нуналэ ортчытыны чакламын «Удмурт дуннелэн» кубокез понна куасэн бызьылонъя 56-тӥ ӵошатсконъёсты.

Туэ ӵошатсконъёс нырысьсэ ортчозы Сьӧлта ёросысь Югдон гуртын. Сыӵе кичӧлтонэн потӥзы асьсэос сьӧлтаос. Ужрадэз дасянэ мыло-кыдо пырисько шаерысьтымы Мугорез кыдатон культурая, спортъя но туризмъя министерствоын ужасьёс, Сьӧлта ёрос администрация, Кильмезь муниципал поселение, Югдон школа, Ижысь Сьӧлта землячество. Та вие куас сюресъёсты дасяло, спортсменъёслэсь куриськонъёссэс (заявкаоссэс) возьмало. Чакламъя луыны кулэ 10 группа но нылпиосын семьяос.

Тужгес кузь сюресэз — 10 иськемез — ортчоно луозы 18-29 аресъем воргоронъёс, 30 аресысен 64 аресозь воргоронъёс потозы 5 иськеме, солэсь вӧжоосызгес — 3 иськеме.

Нылкышноослэн тужгес кузь сюрессы — 5 иськем (18-29 аресъемъёс понна), 30-ысен 54 аресозь кышномуртъёс ортчозы 3 иськем, вӧжоосызгес потозы 2 иськеме.

Семьяен пыриськисьёс бызьылозы: атай — 2 иськем, анай — 1 иськем, пинал — 1 иськем.

Ваньмыз бызёзы эрико амалэн.

Со сяна, зэмос спортсменъёсын ӵош та нуналэ асьсэлэсь кужымзэс куас сюрес вылын эскерозы шаерысьтымы журналистъёс — огдыре ортчоз Журналистъёслэн спартакиадазылэн 1-тӥ этапез. Нош бӧрысь жадемзэс веськатыны быгатозы тунсыко турмаршрутын — соос вуылозы Копки черкогуртысь пӧйшурасьёс доры но  западно-сибирской лайкаослэн питомниказы.

Зинаида Кириллова

 

Удмурт Дунне
By Удмурт Дунне Январь 23, 2018 09:35
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<