«Удмурт дунне» газетлэн Пукон коркаяз тунаськизы но вожо дыр сярысь тодӥзы

Удмурт Дунне
By Удмурт Дунне Январь 23, 2018 16:05

18-тӥ толшоре Ижысь Флор Васильев нимо библиотекаын «Удмурт дунне» газетлэн Пукон коркаез нош ик трос куно ӧтчаз. Таиз пумиськон 2-тӥзэ ортчиз.

Куное ӧтчамы Кияса ёросысь Подгорной гуртысь «Купанча» но Ижысь «Тюрагай» ансамбльёсты.

Йӧвылэсултон азьын радъям пумиськонмы быдэсак сӥземын вал вожодырлы — тунаськонлы но пӧртмаськонлы. Таяз радэ куное ӧтчамы Кияса ёросысь Подгорной гуртысь «Купанча» но Ижысь «Тюрагай» ансамбльёсты.

Подгорнойысь эшъёсынымы ми далайгес тодмоесь ини, газетмылы 100 ар тырмон праздникын соос калыкез кырӟаса шулдыртӥзы. Озьы ик пусъем потэ: ваньзы ик соос «Удмурт дунне» газетэз басьто, мыло-кыдо лыдӟисько. Газетлы гожтӥськон понна милемыз арлы быдэ юромо доразы пумиськонъёсы ӧтчало. Куное ӧтеммылы соос вераны луонтэм шумпотӥзы, Иже вуыса, пе, кызьы газет поттон интыез уд адӟы, эсьмаса, редакцие но пыразы, отысь ужасьёсын тодматскизы но Ф. Васильев нимо библиотекае шонтӥзы.

Пукон коркамы таяз радэ но калыкен тырмемын вал.

Пукон коркамы таяз радэ но калыкен тырмемын вал. Люкаськемъёслы њеч но капчи мылкыд сӥзьыса но газетын ужасьёсын тодматыса, вераськиз «Удмурт дунне» газетлэн валтӥсь редакторез Зинаида Рябинина.

«Тюрагай» ансамблен кивалтӥсь Владимир Белых пичи дыръяз эшъёсыныз анайёссы сьӧры пӧртмаськыса ветлэмъёссэ тодаз вайиз.

«Тюрагайёс» чебересь кырњанъёссэс кисьтӥзы, тапыртыса ик эктӥзы. В. Белых ансамбле кырњаны ветлӥсь эшъёсыныз тодматӥз. Пӧртэм интыосын соос тыршо, нош љытазезэ артистъёс сямен сцена вылэ пото, учкисьёссылы капчи мылкыд сёто. Али тани бадӟым концертлы дасясько — 3-тӥ южтолэзе Ижысь «Молодой человек» театрлэн юртаз учкисьёссэс возьмало.

Кытысь ке шӧдтэк шорысь бадӟым бодыен, музъемозь кокырскем, тӧдьы-тӧдьы пурысьтам йырсиё Баба-яга вуиз.

Кияса ёросысь «Купанча» ансамбле ветлӥсьёс (кивалтӥсьсы Зоя Яковлева) но асьсэ сярысь мактаськыса (ушъяськыса) вераны быгато. Соос угось, њуч гуртын улыса но, культура юртсылэн одӥгаз сэрегаз Удмурт корказэс усьтыны быгатӥзы, гур љутӥзы. Табере доразы вуэм кунооссэс пӧсь табанен но перепечен утялто. Со гинэ мар ай, љытазе клубе дискотекаосы потэм егитъёсты но удмурт пыжиськемъёсынызы куноято. Соосыз, пе, песянайёслэсь пӧрамзэс кылзэс нюлыса ик сиё.

Та коллективлэн њеч мылкыдыз но котькытчы капчи љутскон сямыз сярысь њеч кылъёссэ вераз «Удмурт Кенеш» огазеяськонлэн Кияса ёросысь ёзэныз кивалтӥсь Ольга Танаева.

Вожояськон.

«Купанчаосты» арганэн шулдыртэ ӟуч воргорон Владимир Тарасов. Подгорное со юри Кияса черкогуртысь шудыны ветлэ. Коллективын эшшо одӥг воргоронзы вань на — Аркадий Камашев. Аркадий Николаевич егит дырысеныз кырњаны-вераны яратэ, соин ик одӥг нунал но репетициосы потатэк уг кыльы. Лидия кузпалзэ но сьӧраз кыскиз ини. Удмурт нылкышноос пӧлы котьку ик куаныса пырисько Подгорнойысь культура юртэн кивалтӥсь Анна Ситникова но методист Наталья Байкова. Соос эшъёсынызы ӵош, пӧртмаськон дӥськутъёссэс дӥсяса, калыкез шулдыртӥзы — чиган кышноос залын пукисьёслэсь улон-вылонзэс мадизы-веразы, кырњазы-эктӥзы, серекъятӥзы, тунаськытӥзы.

Ф. Васильев нимо библиотекаен кивалтӥсь Елена Беспалова залын пукисьёслэсь азьпал улонзэс книгаысь гожтэм чуръёсъя туназ.

Кытысь ке шӧдтэк шорысь бадӟым бодыен, музъемозь кокырскем, тӧдьы-тӧдьы пурысьтам йырсиё Баба-яга вуиз. Пӧртмаськон сярысь кылыса, шуд но тазалык сӥзьыны, азьланяз но тазьы ик «Удмурт дунне» газетэз яратыса лыдњон мылкыд сётыны со татчы юромо Алнаш кемысь вуэм. Дӥськутсэ кылемез но ымнырысьтыз масказэ куштэмез бере тодмо луиз: Баба-яга пӧрмытскылэм лыдњисьмы Раиса Корепанова.

Вожо вакыт сярысь тунсыко мадиз филология наукаосъя кандидат Галина Шушакова.

Люкаськем калык понна ӝыт пайдаё ортчиз: вожо вакыт сярысь тунсыко мадиз филология наукаосъя кандидат Галина Шушакова.

— Вожо но пӧртмаськон дырез мон тужгес шулдыр но югыт вакытэн лыдъясько. Ӟучъёс сое Святки шуо. Со юнме шорысь ӧвӧл. Та вакытэ вордӥське Иисус. Урод кужымъёс алама карыны туртто, њечъёсыз — асьсэлэсь лэсьто. Та сям-йылол котькуд выжы калыклэн вань. Алама но њеч нуналъёс та вакытэ ваче, пе, вуо. Соин, дыр, та вакытэ вашкалаос миськем дӥськутэз но кыре ошылыны уг лэзё вылэм. Вожо дыръя ӟечез но, уродэз но ваче пумит вуо. Асьмеос улонмылэсь азьпалзэ тодыны кулэ ӧвӧл, шуо. Православной черк но та сярысь вера. Но асьмелэн тодэммы потэ тазалыкмы, пиналъёсмы, ужмы сярысь. Вожо вакытэ верам кыллэн пӧртман кужымез туж бадњым луэ, шуо. Соин ик соку чакласагес вераськоно, дыр. Тунаськон сярысь пумтэм вераны луоно. Со сям-йылолэз асьмелы вунэтоно ӧвӧл, шудэм-серектэм амал ке но, утьыса возёно, будӥсь нылпиосмылы возьматоно.

Та ӝытэ ваньмыз кӧттырымон шулдыръяськизы, доразы капчи мылкыдын бертӥзы.

Любовь Тихонова

Туспуктӥз Максим Егоров

Удмурт Дунне
By Удмурт Дунне Январь 23, 2018 16:05
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<