Шаерысьтымы 9 школаосы вуизы ӵыж-выль автобусъёс

Удмурт Дунне
By Удмурт Дунне 31 января, 2018 16:51
udmurt.ru

Выль автобусъёсын шаерысьтымы школаос кылем арын но узырмылӥзы ни. 12-сэ ачиз Удмуртия басьтӥз, 14-зэ — Россиысь бюджет чотын.

Данакез соос пӧлысь кошкизы ёросъёсысь школаосы. Автобусъёсты выль кузёоослы сӥё-дано сётӥзы туннэ, 31-тӥ толшоре, «Интерпартнёр» компаниын.

Автобус сётон ужрадэ пыриськизы дышетонъя но наукая министр Светлана Болотникова, Иж администрациысь дышетонъя управленилэн кивалтӥсез Светлана Петрова но ёрос муниципалитетъёсысь кивалтӥсьёс.

Автобусъёсты басьтыны луиз федерал бюджетлы луыса, уго Россиын улонэ пыӵа Президентлэн школа автобусъёсты выльдонъя программаез. Озьы ӵыж-выль автобусъёс кошкизы Вавожысь, Шаркан ёросысь Сюрсовай, Якшур-Бӧдья ёросысь Кекоран, Яр ёросысь Биграгурт, Кияса ёросысь Тӥгырмен, Каракулино ёросысь Кулюшево школаосы. Озьы ик ӵыж-выль автобусъёсын ворттылозы Ижысь 70 номеро школаысь но элькун лицей-интернатысь пиналъёс.

10 арлэсь уногес ворттылэм автобусъёсын нылпиосты нуллыны уг яра ни. Сыӵеосыз асьмелэн 77.

Выль автобусъёсын шаерысьтымы школаос кылем арын но узырмылӥзы ни. 12-сэ ачиз Удмуртия басьтӥз, 14-зэ — Россиысь бюджет чотын. Та дырлы Удмуртиысь школаосын 380 автобусъёс лыдъясько, соос 10 сюрс 400 пиналъёсты 611 маршрутъёсъя нулло.

— Вераны кулэ, 10 арлэсь уногес ворттылэм автобусъёсын нылпиосты нуллыны уг яра ни. Сыӵеосыз асьмелэн 77, — пусйиз Светлана Болотникова.

Сергей Захаров

Туспуктэм: udmurt.ru

Удмурт Дунне
By Удмурт Дунне 31 января, 2018 16:51