Александр Бречалов кивалтэ Россиын вожвылъяськон амалъёс кылдытонъя группаен

Удмурт Дунне
By Удмурт Дунне Январь 31, 2018 13:59

Александр Бречалов люкаськемъёслы вераз, Россиын конкуренциез азинтонъя огъя доклад дасяське шуыса.

Удмуртилэн Тӧроез Александр Бречалов пыриськиз Россиысь Госсоветысь ужась группалэн кенешоназ. Вераськон мынӥз улосъёс куспын вожвылъяськон кылдытон амалъёс пумысен.

Кенешонэз нуиз Россилэн Президентэзлэн юрттӥсез, Госсоветлэн секретарез Игорь Левитин. Отчы озьы ик пыриськизы Антимонопольной кун службалэн кивалтӥсез Игорь Артемьев, Россиысь куд-ог улосъёслэн йыръёссы, кун но улос кивалтон ёзъёсын ужасьёс, экспертъёс.

Александр Бречалов люкаськемъёслы вераз, Россиын конкуренциез азинтонъя огъя доклад дасяське шуыса. Со пусйиз:

— Россилэн Президентэз кылем арын декабрь толэзе поттӥз Конкуренциез азинтонъя валтӥсь амалъёс сярысь указзэ. Отын нимысьтыз верамын: уж пайдаё мед луоз шуыса, вань учреждениос, организациос огкылысь, одӥг кыткетын луыны кулэ. Указэн юнматэмын конкуренциез азинтонъя план но. Кызьы сое быдэстоно — тыро-пыдо валамон ӧвӧл на, но улос кивалтӥсьёслэн та пумысен малпанъёссы-ӵектонъёссы одно сюрозы, дыр. Госсоветын соосты кутозы 7-тӥ февралёзь.

Александр Бречалов верамъя, вожвылъяськонлы сӥзем доклад аспӧртэмлыко сюрес карталы пӧрмыны кулэ. Валамон мед луоз, кызьы юрттоно ужбергатӥсьёслы, кызьы ужано кун заказъёсын — ваньмыз со калыклы сётӥськись услугаослэсь ӟечлыксэс мед будэтоз.

Удмуртилэн Тӧроез верамъя, одӥгез сыӵе амал: кун но муниципал активъёсты пайдаёгес кутон.

— Ваньмыз туж огшоры, — шуиз со. — Кунлэн, муниципалитетлэн луись вань предприятиосты эскероно. Пайдатэк ужало ке, соосты сётоно инвесторъёслы.

Сергей Захаров

Туспуктэм: udmurt.ru

Удмурт Дунне
By Удмурт Дунне Январь 31, 2018 13:59
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<