Никита Стасишин: Ижын 100 гектаре корка пуктыны луысал, нош али со интыосын автомойкаос, сервисъёс сыло

Удмурт Дунне
By Удмурт Дунне 26 января, 2018 21:45
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Удмуртиын туннэ ужазы Приволжск федерал округъя Россиысь Президентлэн оскем муртэз Михаил Бабич, Россиысь лэсьтӥськонъя но ЖКХ-ъя министрлэн воштӥсез Никита Стасишин. 

Никита Стасишин вераз, Ижкарын интыез азинтонъя огъя актъёс лэсьтэмын ӧвӧл шуыса.

Вылӥ кивалтӥсьёс Удмуртилэн Тӧороеныз Александр Бречаловен вераськизы куашкан калэ вуэм юртъёсысь выль коркаосы адямиосты выжтон программалэн улонэ пыӵамез пумысен. Кылсярысь, кылем арын шаерамы 35 коркаосысь 131 адями корка пырон кариз. Озьы ик вераськон мынӥз капитальной ремонт чотын коркаосты тупатъям пумысен. Кылем арын чаклам ужъес пӧлысь 95 процентэз быдэстэмын, эшшо 55 коркан лэсьтӥськон ужъёс йылпумъямын ӧвӧл на. М. Бабич куриз та ужез 2 толэзь куспын быдэстыны.

Бадӟым саклык висъяськиз сирота нылпиослы улон сэрег висъянлы. Удмуртиын, кылсярысь, 3 сюрс 700 пинал учётэ султытэмын, 2 сюрс 500-эз 18 арессэс тырытӥзы ни. Нош улон интыослы кулэяськись пиналъёс пӧлысь 186 -ез шуныт сэреге потӥзы. Та ужез М. Бабич  А. Бречаловез ӟечгес радъяны куриз.

Озьы ик Никита Стасишин вераз, Ижкарын интыез азинтонъя огъя актъёс лэсьтэмын ӧвӧл шуыса. Та юрттысал кар котырысь музъемъёсты кутытэк, отчы нимысьтыз сюресъёс, тыл езъёс кыскытэк, город пушкысь музъемъёсты уже ӟечгес кутыны. Али Ижкарын 100 гектаре корка пуктыны луысал, нош али со интыосын автомойкаос, сервисъёс сыло. Та пумысен Ижкарлэн йырыз Юрий Тюрин мар вераны ӟудӥз.

Ангелина Снигирёва

Туспуктэм: udmurt.ru

Удмурт Дунне
By Удмурт Дунне 26 января, 2018 21:45