Мар сярысь вераськиз Александр Бречалов меӵак эфирын?

Удмурт Дунне
By Удмурт Дунне Январь 21, 2018 14:46
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Котькуд вордӥськонэ, арнялэн кутконаз, Удмуртилэн Тӧроез Александр Бречалов меӵак эфире пота. Со ортчем арнялы йылпумъянъёс лэсьтэ но калыклэн юанъёсызлы валэктон сётъя. Таязэ со вераськиз «Удмуртия» агентстволэн тулкымъёсыз вылын.

Таязэ Александр Бречалов вераськиз «Удмуртия» агентстволэн тулкымъёсыз вылын.

Дышем сямен ӵукна кутскиз иворъёсысен. Нырысь ик Александр Владимирович ӟечкылаз Ижысь фигуристкаез Алина Загитоваез Европаысь чемпионка луэменыз, ӧз вунэты солэсь нырысетӥ тренерзэ Наталья Антипинаез но. Собере выжиз Удмуртия борды.

Сарапул

— Москва палась Коломнаын нырысьсэ ортчиз пичи каръёслэн форумзы, отчы пыриськизы 100 сюрслэсь ӧжытгес улӥсен пичи городъёс, — ивортӥз Александр Бречалов. — Россилэн Президентэз Владимир Путин оглом 2 карен тодматскиз, огез — Сарапул. Сарапуллэн йырыз Александр Ессен но ужбергатӥсь Юлия Железняк веразы, мар вань но мар азьланяз кылдоз городын.

Ужберагатон

— Кылем арняе Москваын трос пӧртэм пумиськонъёс вал. Огез — Пичи но шоро-куспо ужбергатонэз азинтонъя федерал корпорацилэн кивалтӥсеныз Александр Браверманэн. Корпорацилэн юрттэтэз туж кулэ асьме ужбергатӥсьмылы. Кылем арын корпорация поручитель кариськемен Удмуртия 6,5 процентэн 200 миллион манет тыр пунэмаськиз. Со, 2016-тӥ арен ӵошатыса, 4 поллы тросгес. Нош Татарстанын та лыдпус 2,5 миллиард манет луэ. Вань юанъёсыныды вазиське «Предпринимательство Удмуртии» вотэсбаме яке 8(3412) 514-338 112 телефон номеръя.

Иж

— Ми али Ижлэсь туссэ кылдытон пумысен кенешиськом, отчы котькуд адями пыриськыны быгатэ. Вань документъёс юнматэмын луозы, калык мылкыдзэ верамез бере гинэ. Кызьы но кытчы пуктоно луоз рекламаез, афишаосты, www.design-code.izh.ru вотэсбаме.

Киужъёсъя центр

Киужъёсъя элькун центрлэн кивалтӥсез воштӥськем бере трос пумо вераськонъёс мыно. Центрез, пе, люкозы, куд-ог ёзъёссэ, пе, быдтозы. Таӵе юанэн но Александр Владимировичлы вазиськизы.

— Мон уг тодӥськы, кытысь таӵе вераськонъёс пото, — паймиз Александр Бречалов. — Тросэзлэн потэ, лэся, вуж сямен ужамзы, куке центрлы элькун бюджетысь трос уксё висъяське вал, нош ачиз центр киужъёссэс вузаса, туж ик трос уксё ӧз поттылы. Нырысь ик, нокин ужысьтыз мозмытэмын, центр люкемын, нош ёзъёсыз быдтэмын уз луэ. Ми юрттӥськом, центрез азинтом! Со элькунмылэн узырлыкез. Юан мукетыз бордын: аспӧртэмлыко арбериоссэ вузаса, центр ватсаса уксё поттыны кулэ.

Сергей Захаров

Удмурт Дунне
By Удмурт Дунне Январь 21, 2018 14:46
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<