«Кузьма ӵуказе нунал» ӵошатскон дыръя люкаськиз 500 сюрс манет

Удмурт Дунне
By Удмурт Дунне 27 января, 2018 14:10
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

«Кузьма ӵуказезэ» фондлэн кивалтӥсез Надежда Ястребова но «Удмурт дунне» газетысь корреспондент Валентина Емельянова. Валентина та ужрадын куасэн бызьылӥз.

Ӟеч лэсьтэм уж музэ уз усьы, шуылӥзы пересьёс. 27-тӥ толшоре Ижысь Киров нимо паркын «Кузьма ӵуказе нунал» ужрад ортчиз лек пыктосэн курадӟись нылпиослы юрттон вылысь.

Сӥзьыл ортчем таӵе ик ӵошатскон бере Удмуртиысь 4 пиналлэн луонлыкез кылдӥз Москваын эмъяськыны. Таяз учыре ӵошатскисьёс но 500 сюрс манет пала люказы.
Пыдын но куасэн бызьылыны мылкыд карисьёс таяз учыре трос люкаськемын вал — 900-лэсь ятыр. Нылпиос 100 метре пыдын но куасэн бызизы, бадӟымъёс 1 но 3 иськеме пыдын бизизы, куасэн — 3 но 5 иськеме. Куазь кезьыт вал ке но, ужрадэ люкаськемъёслэн мылкыдзы котыр омырез шунтӥз. Мон но 3 иськемез ортчи, куасъёсы асьсэос нуизы кадь финишозь.

Валентина Емельянова

Туспуктэм: vk.com (Валентина Емельянова)

Удмурт Дунне
By Удмурт Дунне 27 января, 2018 14:10