Йӧскалык библиотекаын Кузебай Гердлэсь кылбуръёссэ шара лыдӟозы

Удмурт Дунне
By Удмурт Дунне Январь 11, 2018 10:59

15-тӥ толшоре 18.00 часэ Йӧскалык библиотека ӧте вань мылкыд карисьёсты Кузебай Гердлэсь кылбуръёссэ шара лыдӟыны. Кылбур ӝыт ортчоз Йӧскалык но шаертодон литературая но библиографияя центрын таӵе адресъя: Удмурт урам, 264 номеро юрт.

Ӝыт сӥземын Кузебай Гердлэн вордскемез дырысен 120 ар тырмонлы. Ужрадэ лыктэмъёс ӟечгес тодматскозы кылбурчилэн творчествоеныз, кылзозы удмурт чеберлыко кыллэсь чузъяськемзэ, мургес шӧдозы Гердлэсь кылбуретсэ.

Йӧскалык библиотека вазиське вань мылкыд карисьёслы, кылбур лыдӟонъёсы мед пыриськозы шуыса, Кузебай Гердлэсь кылбурзэ ужрад дыръя шара мед лыдӟозы шуыса.
Йӧскалык библиотекаын дасямын луоз удмурт писательлэн кылбур бичетъёсыныз – «Крезьчи» (1922-тӥ ар), «Сяськаяськись музъем» (1927-тӥ ар), «Лёгетъёс» (1931-тӥ ар) — но берлогес поттэм книгаосыныз адӟытон. Ӝыт куспын куноос, кылбур бырйыса, сое калык азьын лыдӟыны быгатозы.

Со сяна, ужрадын чузъяськозы Кузебай Гердлэн кырӟанъёсын аудиозаписьёсыз.

Йӧскалык библиотека

Удмурт Дунне
By Удмурт Дунне Январь 11, 2018 10:59
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<