Иже «Холокостлэн урокъёсаз» 1000-лэсь трос пиналъёс вуылӥзы

Удмурт Дунне
By Удмурт Дунне Январь 29, 2018 11:07
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Вераны кулэ: та спектаклез уноез бӧрдыса-викышъяса учкизы, уго со вера Освенцимез пырпотэм нылпиослэсь зэмос учыръёссэс, тодэ ваёнъёссы чузъясько.

27-тӥ толшоре быдэс дунне буре вае Холокостэн йырин быремъёсты (Холокост шуо 1933-тӥ-1945-тӥ аръёсы Германилэсь нацистской политиказэ). Та нуналлы сӥзьыса, 4 нунал ӵоже Ижысь Эшъяськон юртын пиналъёс понна «Холокостлэн урокъёсыз» ортчылӥзы, радъязы соосты Удмуртиысь Еврей культурая центрын но Эшъяськон юртын ужасьёс. Урокъёслэн инъетсы луиз «Записки Освенцима» спектакль. 

Спектаклез пуктӥз егит режиссёр Дмитрий Евдокимов, шудӥсь муртъёс но туж егитэсь на — школаосын дышетскисьёс, бадӟымъёс пӧлысь ачиз Дмитрий но «Патриот» клубын ужась удмурт ныл Наталья Клабукова. Пусъёно: Дима али дышетске элькунысьтымы культурая колледжын режиссёрлы, Ижысь егитъёслэн «Патриот» клубзы бордысь театральной мастерскоен кивалтэ. «Записки Освенцима» солэн нырысетӥ бадӟым ужез луиз.

Спектаклез пуктӥз егит режиссёр Дмитрий Евдокимов, шудӥсь муртъёс но туж егитэсь на — школаосын дышетскисьёс, бадӟымъёс пӧлысь ачиз Дмитрий но «Патриот» клубын ужась удмурт ныл Наталья Клабукова.

— Мон асме шудо педагог ниманы быгатӥсько: ужасько нылпиосын, кудъёсыз уг кышкало секыт темаослэсь, репетициосы ветло бер ӝытъёсы, — шуэ Дмитрий Евдокимов. — Ми «Записки Освенцима» спектакльмес возьматӥськом ни ар ӵоже, но котькудаз шудонамы мар ке вылез усьтӥське, выль кужым потэ.

Вераны кулэ: та спектаклез уноез бӧрдыса-викышъяса учкизы, уго со вера Освенцимез пырпотэм нылпиослэсь зэмос учыръёссэс, тодэ ваёнъёссы чузъясько. Туж тросэз кӧшкемытэсь, осконтэм кадесь йӧто. Спектакльын кутэмын пӧртэм кылбуръёс, проза, сюлме пырись гуръёс, тылэн аспӧртэм шудэмын.

Эшъяськон юртын 4 нунал куспын спектаклез сюрслэсь уно мурт учкиз.

Эшъяськон юртын 4 нунал куспын сое сюрслэсь уно мурт учкиз.

Елена Рябина

Туспуктӥз Мария Царёва

Удмурт Дунне
By Удмурт Дунне Январь 29, 2018 11:07
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<