«Гурт адями-2017» вожвылъяськонын куара сётон азьланьтӥське

Удмурт Дунне
By Удмурт Дунне 24 января, 2018 12:51
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Гажано лыдӟисьёс, «Гурт адями-2017» конкурсэ пыриськем адямиос понна куара сётон азьланьтӥське.

Адӟем карымон гуртоос понна куара сётэмдэс возьматыны луэ пӧртэм амалъёсъя: дурбасьтӥсьёслэн кинюртэмъёсынызы списокез udmdunne@yandex.ru электрон почтаямы яке (3412) 73-33-42 факс пыр келяса, озьы ик гожтэтэн ыстыса «Удмурт дунне» газетлэн редакцияз: 426008, Ижкар, К. Маркс урам, 274-тӥ юрт. Та сяна, куара сётон усьтэмын «Удмурт дуннелэн» сайтаз, «ВКонтакте», «Одноклассники» вотэсбамъёсаз. Списокъёсысь но вотэсбамъёсысь куараос огазеямын луозы. Дыртэ: списокъёстэс редакциямы 12-тӥ февралёзь возьмаськомы, нош Интернетын куара сётон ворсаськоз 11-тӥ феврале 12 часэ уйин. Бӧрысь газетын яломы вожвылъяськонлэсь йылпумъянъёссэ. Конкурслэн ортчемез сярысь юалляськыны луоз (3412) 73-33-42, 8-951-195-37-65 телефон номеръёсъя.

Гожтэтъёс редакцие пумен вуо ни. Та нуналлы конкурсэ ӵектэм адямиос понна тамында кинюртэмъёсын списокъёс вуизы (лыдпусъёсты сётӥськом, сайтысь но вотэсбамъёсысь куараосты лыдъятэк).

«Устоез кивалтӥсь» номинация

Пётр Петров — Кияса ёросысь Вуж Салья гуртысь ужбергатӥсь — 116 куара;

Виктор Лебедев — Алнаш ёросысь Туймыйылысь «Прогресс» хозяйстволэн кивалтӥсез — 106 куара;

Николай Михайлов — Алнаш ёросысь Улын Сыръезьысь «Писеевское» хозяйстволэн кивалтӥсез.

«Выжыоссэ утись»  номинация

 Галина Веселкова — Сьӧлталась «Калмез гуръёс» ансамбльысь кырӟась;

Валерий Баймурзин — Пичи Пурга ёросысь Аксакшур гуртысь шаерчи, дышетӥсь;

Евдокия Ильиных — Сюмси ёросысь Тукан гуртысь удмуртлыкез азинтӥсь;

Владимир Дмитриев — Можга ёросысь Комак гуртысь шаерчи, дышетӥсь.

«Ӟеч сюлэм» номинация

 Василий Морозов — Вавож ёросысь «Колос» хозяйствоысь механизатор;

Эдуард Крестьянинов — Сьӧлта ёросысь Зямай гуртысь ужбергатӥсь;

Людмила Баранова — Пичи Пурга ёросысь Аксакшур гуртысь нылпи садын ужась;

Валентина Осипова — Кияса ёросысь Вуж Салья гуртысь дышетӥсь — 119  куара;

Сергей Крутихин — Можга ёросысь Бадӟым Уча гуртысь лулчеберетъя юртэн кивалтӥсь — 182 куара;

Лариса Шиляева — Балезино ёросысь Дядьпи черкогуртысь лулчеберетъя юртэн кивалтӥсь

 

 

Удмурт Дунне
By Удмурт Дунне 24 января, 2018 12:51