Гурт адями-2017: Дэри ёросысь Женвай гуртысь инженер-электрик Георгий Братухин

Удмурт Дунне
By Удмурт Дунне 9 января, 2018 15:00
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Георгий Иванович «Ижевские электрические сети» огазеяськонын инженер-электрик луыса 36 ар ужа ни.

Шаерысьтымы Данъян пул вылэ пыртэмын Дэри ёросысь Женвай гуртын вордӥськем но будэм удмурт воргорон Георгий Братухин.

Георгий Иванович «Ижевские электрические сети» огазеяськонын инженер-электрик луыса 36 ар ужа ни. Предприятиын ог 700 адями тырше бере, солы воксё но шӧдтэк шорысь вал тазьы пусъемзы. Быдэс огазеяськонысь Данъян пул вылэ со огназ сюриз.

— Электриклэн ужез калыклэн син шораз уггес йӧты, — шуэ Георгий Иванович. — Зор я лымы усе, пӧсь шунды пыже — котьку инкуазьын. Калык тылтэк, шуныттэк медаз кыльы шуыса, ялан сак луоно. Ярам, али одӥг станцие ик кӧня ке кабель кыскиськомы, огез тӥяське ке, мукетъёсызлэн ужаны кужымзы тырме. Со ласянь ужмы берло дыре капчиятэмын. Шуг-секытъёс дыръя тылтэк али калык но 1-2 часлы сяна уг кыльы ни. Но тазьы ужан понна кӧня ӟигар быре!

Но Георгий Братухин секытлы сётскыны дышемын ӧвӧл. 5 арес дыръяз Женвай гуртысь быдэс юртъерзы ӝуаз. Соку со сузэреныз но выныныз укноетӥ потыса вуттӥзы. Эшшо 2-ез сузэръёсыз ӝокаса ик быризы. Георгий Иванович туннэ ке но уг тоды, кытысь потэм тылпу вал со. Но вӧлскиз со корказьысен. Соку быдэс гуртэн юрттӥськизы Братухинъёслы выль юрт ӝутыны. Пияшез та кыдатӥз. Со сяна, дышетӥз ӟеч сюлэмо но лякыт, ӟечсэ ӟечен берыктӥсь луыны. Соослэн юртысьтызы уго калык ноку уг бырылы. Анаез кибашлы вал. Ялан куиськылӥз. Ковёр, выж лёгет я мукет пӧрмытэм арбериоссэ кунгож сьӧрысь вуэм куноос но учкылыны вуылӥзы, музейёсы но басьяллязы. Георгий Братухин ачиз но киужен вырыны яратэ. Институтэз йылпумъямез дырысен куасэн эшъяське.

Елена САРАМАТОВА

Удмурт Дунне
By Удмурт Дунне 9 января, 2018 15:00
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<