«Ыргон» дэрем но чилясь синкаӵъёс

Удмурт Дунне
By Удмурт Дунне Декабрь 29, 2017 17:22

2018-тӥ ар шундыӝужан гороскопъя Ӵуж пунылэн арез шуыса лыдъяське. Котькуд нылашлэн сое, модая дӥсяськыса, пумитамез потэ, луоз. Малпасько, тодӥсь адямиослэн дэмланъёссы юрттозы тӥледлы аспӧртэмлыко но тунсыко тусбуй кылдытыны!

Ксения Васильева, дизайнер

 

— 2017-тӥ арлэн кутсконаз ик модае ыргонлы (медь) укшась басмаос пырыны кутскизы.  Соин ик Выль ар уйлы «металлик» дэрем туж тупалоз. Яке гань-гань буёло дэрем борды ыргон кадь чилясь сумка, пыдкутчан, чеберман арбериос ватсаны луоз. Праздникъёслы тупась басмаен кемалась лыдъяське ни бархат.  Бархатлэсь дэремез плиссировкаен, бадӟым пужыятӥськемен яке воланъёсын чеберъяны луоз. Таяз аре этно пужыосты буртчин, бархат, жаккард вылэ, пайеткаосын чильпам басма вылэ но пуктылыны кутскизы. Дэремъёсты эшшо но чибориёгес каризы бахрома но пужыятӥськемъёс. Озьыен, калык сямо дӥськут трослы тунсыкогес адскыны кутскиз.

Туала сямъёсты удмурт дӥськутын но кутыны луоз. Вельветлэсь яке сяськаё пужыен велюрлэсь  дэрем туж чебер но дуно адӟиськоз. Удмурт дэремез дышем сямъёсъя вуре, нош басма котькыӵезэ кутэ. Тафта но жаккард формазэс туж умой возьыны быгато, соин ик удмурт дэрем эшшо но чебергес адӟиськоз.

Асьтэлы тупась, мугордыя дэрем быръелэ! Соку  Выль ар дискотекаын тужгес но чеберез, яркытэз луоды!

 

Мария Конькова, визажист.

— Ӝытлы быръелэ чилясь буёлъёсты. Тросэз малпало, яркыт луон понна наш-наш маялляськоно шуыса, со шонер ӧвӧл. Тырмоз чилясь теньёсын, помадаосын, хайлайтеръёсын но пудраосын гинэ буяськыса.   Буяськемды одно ик дӥськутэныды тупаны кулэ.

— Яркытгес кароно яке синъёсты гинэ, яке ымдуръёсты. Озьы тӥ арлыдогес уд адӟиське.

— Туала мода шоры учкыса, вераны луоз: адямиос туэ  ымдуръёссэс олокыӵе но буёло помадаосын буялляло. Кисьмам емышъёслэн буёлъёссы но модаысь уг потало. Умойгес луоз буяськыны асьтэ шӧдэмдыя, мода сьӧры уйиськытэк.

— Синъёстэс золгес висъямды потэ ке, тужгес но тупалозы пеймыт-лыз, вож, зарни, азвесь буёло чилясь теньёс. Озьы ик котьку но чебер луо кузь синлысъёс. Тунсыко тусбуй лэсьтон понна синкаӵъёсты пӧртэм буёло карыны луэ: лыз, льӧль яке чилясь. Озьы туала твигги пӧрме.

Дасяз Евгения Конькова

Удмурт Дунне
By Удмурт Дунне Декабрь 29, 2017 17:22
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<