Владимир Путинлэн пресс-конференциысь меӵак эфир

Павел Вахрушев нуэ меӵак эфир.

Москваын кутскиз Россилэн Президентэзлэн Владимир Путинлэн бадӟым конференциез. Отысь меӵак эфир нуэ Павел Вахрушев. 

Владимир Путин анай кылэз дышетон политика сярысь:

«Йӧскалык политика удысын ӧвӧл огъя стратегия. Милям ужпуммы — улонын ваньмызлы кылдытыны одӥг кадь луонлыкъёс. Вылӥ дышетсконниосын дышетскон ӟуч кылын мыныны кулэ, но та вие анай кылъёсты но дышетоно. Россиысь калыкъёс, пӧртэм кылъёс — со милям узырлыкмы, кудзэ ми утьыны кулэ».

Владимир Путин экономика сярысь:

— Экономика кужмоя. ВВП 1,6 процентлы будэмын, умой лыдпусъёс возьмато эмъюм, машина поттон удысъёс. Тужгес зол азинскиз гурт удыс — 3 процентлы. Кунгож сьӧры но вузмес тросгес поттыны кутским, ю-тысь вузанэз учконо ке, Россия быдэс дуннеын нырысетӥ радын. Инвестициос будо. Мувӧйлы дун кулэсмемен йырин кушэтскимы вал, но кышканмес вормимы ни. Экономика пыд вылаз султӥз.

Владимир Путин «май указъёс» сярысь:

— Тросэз пештырскизы, вераллязы, пӧртэм бюджетъёслы соосты быдэсъяны секыт луоз шуыса. Но вамыш шонер но туж кулэ вал. 94 процентэз ужпумъёсмы быдэстэмын ни, оскисько, 2018-тӥ арын малпанъёсмы пумозяз вуттэмын луозы шуыса.

Куашкан калэ вуэм юртъёсъя ужпум тросаз улосвылъёсын, быдэсак ӧвӧл ке но, быдэстэмын. Нылпи садъёсысь интыос пумысен ке верано, программаез быдэсъяны кутскон азьын ӝыны миллион нылпиослы нылпи садъёсын интыос кулэ вал, али черодзэс витё 65 сюрс мындаез.

Пресс-конференциын трос пумо ужпумъёс ӝутэмын. Россиысь спортсменъёсын герӟаськем югдур, быгатӥсь нылпиослы юрттӥськон, Арктикаез азинтон но мукет юанъёс. Озьы ик чузъяськиз юан: ку пенсие потон арлыд кузёятэмын луоз?

— Европаысь вань кунъёс пенсие потон арлыдэз ӝутӥзы ни. Талы дур басьтӥсьёс шуо, туала система кылдытэмын вал ни 1930-тӥ арын. Улон кузёямен пенсионеръёслэн лыдзы будоз, нош ужасьёс кулэсмозы. Пенсионной арлыдэз ӝутонлы пумит кариськисьёс шуо, экономикаез инновационной кароно. Соку ужан интыос кулэсмозы, нош пенсие потон арлыдэз ӝутӥд ке, тросэз ужтэк кылёзы. Ваньзэ радызъя учконо, лыдъяно. Выль сямез улонэ, шуак ӧвӧл, пумен пыӵатоно.

Пресс-конференциын трос пумо ужпумъёс ӝутэмын. Россиысь спортсменъёсын герӟаськем югдур, быгатӥсь нылпиослы юрттӥськон, Арктикаез азинтон но мукет юанъёс. Озьы ик чузъяськиз юан: ку пенсие потон арлыд кузёятэмын луоз?

— Тодмо ӧвӧл на. Европаысь вань кунъёс пенсие потон арлыдэз ӝутӥзы ни. Талы дур басьтӥсьёс шуо, система кылдытэмын вал ни 1930-тӥ арын. Улон кузёямен пенсионеръёслэн лыдзы будоз, нош ужасьёс кулэсмозы. Пенсионной арлыдэз ӝутонлы пумит кариськисьёс шуо, экономикаез инновационной кароно. Соку ужан интыос кулэсмозы, нош пенсие потон арлыдэз ӝутӥд ке, тросэз ужтэк кылёзы. Ваньзэ радызъя учконо, лыдъяно. Выль сямез улонэ, шуак ӧвӧл, пумен пыӵатоно.

Выт сярысь юанлы валэктон сётыса, Владимир Путин шуиз:

— Жаляса верано, выт тыронъёс йыло, уката но улосъёсын. Озьы медаз луы шуыса, налоговой системаын выльдӥськонъёс кулэ. Та бордын ужано. Адямиос одӥг кадь улыны кулэ — вань улосъёсын. Соин ик улосъёслэсь доходъёссэс огкадьгес карыны турттӥськом.

Куд-ог тыриськонъёс калыклэн пельпумъёсыз вылэ усё, кылсярысь, капремонт понна. Россиысь 42 миллион адями сое али тыроно луэ. Со шонертэм. Та ужпумез выль сямен учконо.

Озьы ик меӵак эфирез учкыны луоз татысь: https://iz.ru/683022/2017-12-14/bolshaia-press-konferentciia-vladimira-putina-priamaia-transliatciia

Павел Вахрушев