Вавож ёросысь Уё гуртын 400 йырлы чаклам гид усьтӥзы

Удмурт Дунне
By Удмурт Дунне Декабрь 29, 2017 14:14

Вавож ёросысь Уё гуртын 400 йырлы чаклам гид усьтӥзы

Вавож ёросысь «Луч» хозяйствоысь Уё гуртын 400 йырлы чаклам гид усьтӥзы.

Гидэз сӥё-дано усьтон ужрадэ пыриськизы Правительстволэн Тӧроезлэн воштӥсез Александр Свинин, гурт удысъя но сиён-юонъя министрлэн воштӥсез Евгений Шкарупа, Вавож ёрослэн йырыз Николай Чайников, гурт хозяйствоысь кивалтӥсьёс, пудо утисьёс но гуртоос.

udmurt.ru

Гидэз сӥё-дано усьтон ужрадэ пыриськизы Правительстволэн Тӧроезлэн воштӥсез Александр Свинин, гурт удысъя но сиён-юонъя министрлэн воштӥсез Евгений Шкарупа, Вавож ёрослэн йырыз Николай Чайников, гурт хозяйствоысь кивалтӥсьёс, пудо утисьёс но гуртоос.

Выль гид 400 йыр пудолы чакламын. Бадӟым, югыт фермаын 7 мурт ужалоз. Соос понна шутэтскон, кылиськон-дӥсяськон, мисьтӥськон комнатаос лэсьтэмын. Гид усьтыса, хозяйствоын пудолэсь йырзэ 100-лы ватсаны но араз 700 тонналы тросгес йӧл кыскыны малпало.

Выль гид пуктонлэн дуныз хозяйстволы 105,8 миллион манет тыр усиз, со пӧлысь 26,1 миллион манетэзлы ужан тӥрлык басьтэмын, 79,7 миллион манет быриз лэсьтӥськонлы. Ферма пуктонэ хозяйство аслэсьтыз 75,8 миллион манетсэ быдтӥз, 30 миллион манетэз пунэмаськемын. Хозяйстволы 6 арлы капчиятэм кредит сётэмын.  Колхозэн кивалтӥсьёс та вакытэ ватсаса документъёс дасяло ватсаса субсидия басьтон вылысь.

udmurt.ru

Бадӟым, югыт фермаын 7 мурт ужалоз.

Кызьы вераз Вавож ёрослэн йырыз Николай Чайников, ёросын котьку но пудо вордон удыслы бадӟым саклык висъяськылӥз. Та вакытэ выль гидъёс пуктӥсько на «Горд Октябрь» хозяйствоын — 400 йырлы чакламын, «Удмуртия» колхозын — 1 сюрс 200 йырлы. Азьланяз выль гидъёс пуктыны малпало Мичурин нимо колхозын  (1 сюрс 200 йырлы), «Колос» СХПК-колхозын (1 600 йырлы).

«Луч» хозяйствоын сьӧд-куӵо выжыысь пудо вордо. Ӟеч выжы пудозы 950 йыр лыдъяське. Котькуд скаллэсь араз  7 сюрс тонна йӧл люкало. Туэ 11 толэзь куспын  6,3 сюрс тонна кыскизы ни. Ёросысь 9 гурт хозяйство пӧлысь «Луч» йӧл кысконъя 3-тӥ интыын вамышъя «Колос» но «Удмуртия» хозяйствоос бере.                

 

Удмурт Дунне
By Удмурт Дунне Декабрь 29, 2017 14:14
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<