Удмуртиысь 65 техникумъёсын но колледжъёсын дышетско 40 профессиослы

Удмурт Дунне
By Удмурт Дунне 11 декабря, 2017 12:10

Удмуртиын тужгес кулэ луись профессиослы дышетонэз паськытатоно — та сярысь вераськон мынӥз Дышетонъя но наукая министерстволэн кенешоназ.

Туннэ элькунамы ужало 65 техникумъёс но колледжъёс, отын ог 35 сюрс егитъёс дышетско, тодон-валан басьтыны луэ 40 профессиосъя. Кылдытэмын тодон-валанъёсты будэтонъя 6 центръёс, араз 3 сюрс пала адями соос пыр потэ.

Берло аръёсы уката но бадӟым уж нуиське ужась профессиослэсь данзэс ӝутонъя. Кылсярысь, элькунмы мыло-кыдо пыриське WorldSkills-лэн стандартъёсызъя чемпионатэ. Удмуртиын кылдытэмын «За отличное освоение профессии и специальности» медаль — Россиысь одӥг улосын но сыӵеез ӧвӧл. «Доступная среда» программая бадӟым саклык висъяське инвалид нылпиосты, егитъёсты дышетонлы но.

Ваньмыз та емышъёссэ сётэ: берло дыре ужась профессиосты бырйись егитъёс тросгес луо. Куд-ог техникумъёсы, колледжъёсы шедён понна конкурсъёс кылдо. Соин ик кенешон дыръя ужпум пуктэмын: ужась профессиослы дышетскыны вань мылкыд карисьёслы интыос шедьтоно.

Сергей Захаров

Удмурт Дунне
By Удмурт Дунне 11 декабря, 2017 12:10
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<