Удмурт кун университетысь лингвистической картографияя но исторической лексикологияя лабораторилы — 25 ар

Удмурт Дунне
By Удмурт Дунне Декабрь 11, 2017 14:45
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Удмурт кун университетысь лингвистической картографияя но исторической лексикологияя лабораторилы тырмиз 25 ар. Нырысетӥ нуналъёсысен ик соин кивалтэ филология наукаосъя доктор Риф Насибуллин.

Нырысетӥ нуналъёсысен ик Лингвистической картографияя но исторической лексикологияя лабораториен кивалтэ филология наукаосъя доктор Риф Насибуллин.

Лабораторилэн валтӥсь ужез луэ удмурт кылъя диалектологической атласэз лэсьтон но ӟучысь удмуртэ пырем кылъёсын словарь кылдытон.

— Диалектологической атласмы ог 50 том луыны кулэ, али 9-тӥез бордын ужаськом. Уксёен секытгес, грантъёс чотын ужаса, али атласмылэсь 6-тӥ томзэ книгаен поттыны дасяськом, — вера Риф Шакрисламович.

Удмурт кылъя диалектологической атласэз гожтон понна лабораториын ужасьёс потазы 175 гуртъёсы, 119-эз соос пӧлысь Удмуртиын, мукетъёсыз Татарстанын, Башкириын, Пермь, Киров но Свердловск улосвылъёсын. Туэ лабораториын ужасьёс — нош соос 5 кузя гинэ — потазы Киров улосвылэ Малмыж но Вятскополянской ёросъёсы. Озьы туж трос кылъёс шедьтэмын вал, куд-огез удмурт наукалы та дырозь тодмо ик ӧй вал. Кылсярысь, тӥ тодӥськоды-а вал, зоркибыез 133 (!) пӧртэм верало шуыса? Диалектологической атласлы луыса табере тододы.

— Ушъяськытэк уг быгатӥськы, — вера Риф Насибуллин. — Атласмес синйылто быдэс дуннеысь тодосчиос. 2014-тӥ арын милемыз данъязы Санкт-Петербургын калыккуспо конференциын. Ми атлас лэсьтонъя семинаръёс но ортчытъяськом. Бен, атласъёсты книгаен поттыны тросаз республикаосын уксёзы ӧвӧл.

Нош кӧня кылъёс ӟучысь удмуртаз пыремын? Лабораториын ужасьёс лыдъяллям: 60 сюрс. Та пумысен трос пӧртэм эскеронъёс ортчытыны луэ, шуо тодосчиос. Та дырлы ӟуч асэстэмъёс сярысь гожтэмын 2 монографиос но 2 доктор диссертациос.

Лабораториысь тодосчиос туж кулэ ужез берыкто. Уго кин лэсьтысал «Русско-удмуртско-татарский словарь» (2013-тӥ ар), «Военная лексика удмуртского языка» (2017-тӥ ар), удмурт-фин, фин-удмурт кыллюкамъёс (2008-тӥ, 2013-тӥ аръёс) но мукет. Та дырлы дасямын ни Кузебай Гердлэн кыллюкамез, антонимъёсын, удмурт-англи, англи-удмурт кыллюкамъёс, Свердловск улосвылысь Красноуфимск ёросысь диалектъя, камсьӧр удмуртъёслэн кырӟанъёссыя монографиос но мукет ужъёс.

Мария Векшина

Удмурт Дунне
By Удмурт Дунне Декабрь 11, 2017 14:45
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<