«Удмурт дунне» газетысь журналистъёс Алнашысь нылпи юртысь пиналъёслы мастер-класс ортчытӥзы

Удмурт Дунне
By Удмурт Дунне 19 декабря, 2017 10:52
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

«Удмурт дунне» газетлэн редакцияз ужасьёс Алнашысь нылпи юртысь пиналъёс понна Выль ар кузьым лэсьтонъя мастер-класс ортчытӥзы.

«Удмурт дунне» газетлэн «Берекет» приложениезлэн мастер-классаз дышетӥмы мобильной телефонлы чаклам сумка вурыны.

Мастер-классэз ортчытон сярысь малпан кылдӥз Удмуртилэн Тӧроезлэсь Александр Бречаловлэсь соцсетьёсысь гожтэмзэ лыдӟеммы бере.

— Туэ Удмуртилэн партнёръёсыз, федерал министерствоослэн но ведомствоослэн кивалтӥсьёссы, промышленной предприятиослэн директоръёссы понна Выль ар кузьымъёс аспӧртэм луозы. Соосты ми басьтомы Удмуртиысь нылпи юртъёсысь, реабилитацияя центръёсысь, — пусйиз вал шаермылэн Тӧроез.

«Удмурт дунне» газет но малпаз пиналъёслы Выль ар мылкыд пыӵатыны. Но дась кузьымъёс сётэм интые, нылпиосты асьсэды киужлы дышетыны. Алнашысь нылпи юртын пумиськон туж шуныт ортчиз, «Удмурт дунне» газетлэн «Берекет» приложениезлэн мастер-классаз дышетӥмы мобильной телефонлы чаклам сумка вурыны.

Киужен вырон висказы журналистъёс мадизы асьсэ ужзы, проектъёссы, Россилэн пӧртэм сэрегъёсаз вуылэмзы сярысь, тодматӥзы «Удмурт дуннелэн» «Дарт» приложениеныз но огшоры улон сярысь кенешизы. 2 час ӵоже журналистъёс но нылпиос эшъяськизы, ог-огзылэсь люкиськыны ӧз ӵыдэ ни.

«Удмурт дуннелэн» нимыныз мастер-классэ пыриськем пиналъёслы ческыт саламъёс но удмурт кылын ӝӧк выл шудонъёс кузьмамын вал. Пумиськон понна бадӟым тау шуэммы потэ Алнашысь нылпи юртлэн директорезлы Александр Ивановлы, воспитательёслы но нылпиослы. Выль аре вань ӟеч малпанъёсты мед быдэсмозы!

Елена Миннигараева

Удмурт Дунне
By Удмурт Дунне 19 декабря, 2017 10:52
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<