Туэ азбаръёсты тупатъян проект улсын выльдэмын 293 азбар

Удмурт Дунне
By Удмурт Дунне Декабрь 25, 2017 10:01

Шаерамы ортче «Ойдо юмшалом!» фестиваль. Татчы пырисько вань городъёс но ёросъёс, кытын 2017-тӥ арын азбаръёсты тупатъян проект быдэсмиз.

Выльдэм азбаръёсын табере луонлык кылдӥз капчиесь пумиськонъёс, пӧртэм ужрадъёс ортчытъяны. Нош муг котьку сюроз. Тани «Ойдо юмшалом!» фестиваль ик мылкыдэз бугыртэ. Кутскиз со 15-тӥ декабрьысен Сарапул городысь Кам шур котырын. Татын толлы сӥзем кырӟанъёсын толэз пумитазы. Табере котькуд пятницае Сарапулын «Пятница, пот юмшаны!» ӧтён улсын ужрадъёс радъяськозы. Нош 16-тӥ декабре Уваысь «Ошмесо шаер» скверын Тол бабайёслэн но Лымы нылъёслэн парадзы ортчиз.

— парадэ ёросысь пӧртэм учреждениосысь 16 команда люкаськиз. Кыйлуд но Нылга гурт поселениосысь кивалтӥсьёс но специалистъёс Тол бабай но Лымы ныл дӥсяськизы, — шуэ «Увинское» муниципал кылдытэтлэн йырыз Михаил Логинов.

Нялтас вераса, Тол бабайёслэн парадзы Уваын нырысетӥзэ уг ортчы. Со ёрос понна аспӧртэм бренд луиз ни. Нылпиос но анай-атайёс та ужрадэз арлы быдэ возьмало. Котькуд Тол бабай но Лымы ныл уго нылпиос понна пӧртэм конкурсъёс, шудонъёс радъяло.

Фестиваль улсын де-кабрь-март толэзьёсы Иж, Глазов, Сарапул, Вотка, Камбарка, Можга городъёсын  пӧртэм ужрадъёс радъяськозы. Матысь шутэтскон нуналъёсы, кылсярысь, Воткинскын ӵыпетлэн набережнояз лымылэсь лэсьтэм арт-объектъёс ӝужалозы. Глазовысь Калинин нимо ульчаысь выльдэм  скверын тол шудонъёслы сӥзем семьяосын шутэтскон нунал луоз. Ижын фестивальлэн валтӥсь площадкаез луоз Гогольлэн бульварез.

Фестиваль борды итӥсь-козы на Каракулино, Кез, Пичи Пурга ёросъёс.

Туэ азбаръёсты тупатъян проект улсын выльдэмын-тупатъямын 293 азбар, 1 парк но калык люкаськылон 9 инты. Вуоно арын проект азьланьтӥськоз. Удмуртия сое быдэстон понна федерал бюджетысь 280 миллион манет басьтоз. 65,8 миллион манет шаермылэн казнаысьтыз софинансирование чотын висъяськоз.

Сергей Захаров

 

Удмурт Дунне
By Удмурт Дунне Декабрь 25, 2017 10:01
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<