Татьяна Ишматова: Элькунамы кылдытоно но юнматоно этнокультуралы дышетонъя концепция

Удмурт Дунне
By Удмурт Дунне Декабрь 13, 2017 14:24

Татьяна Ишматова, «Удмурт Кенеш» огазеяськонлэн тӧроез

Кылем арняе Нациосын ужан политикая министерствоын ортчиз выжы калыкъёслэсь культураоссэс дышетонлы сӥзем паськытатэм коллегия.

Калык культураосты дышетонъя ужпум таӵе вылӥ тубатын нырысьсэ эскериськиз.

Этнокультурной дышетон трос юанъёсыз огазея: кызьы пиналъёслы вордскем музъемзылэсь историзэ валэктоно, кызьы тодматоно вӧзазы улӥсь калыкъёсын, соослэн культураенызы, сям-йылолъёсынызы, осконэнызы.

3-тӥ шуркынмонэ ортчем этнографияя диктант возьматӥз: асьмеос этнографиез, историез, географиез, культураез алама тодӥськомы. Со диктантын элькунмылэн шоро-куспо оценкаез — «3». Ми асьмеос сярысь но туж ӧжыт тодӥськом. Озьы бере, кытысь ас калыктэ гажан мылкыд потоз?

Таӵе югдур кылдэмын бере, асьмелы ужано котыр ласянь, кыл понна гинэ нюръяськон уз юртты. Верасько, география, история урокъёсы вордскем шаермы сярысь тросгес материал пыртоно шуыса. Со зэмзэ но туж пайдаё луысал. Со сяна, телевидениын но радиоын кунысьтымы калыкъёс сярысь передачаос тросгес мед луысалзы. Сыӵе программаос али но вань, но жаль, малы ке уноез нуназе яке уйин мыно. Бадӟым уж нуэ «Мынам Удмуртие» телерадиокомпания: отын ужасьёс удмурт но, ӟуч но, бигер но кылъёсын передачаос дасяло, шаерысьтымы пӧртэм калыкъёс но соослэн культураоссы сярысь иворто. Школаосын но вань дышетӥсьёс, кудъёсыз асьсэ ужазы этнокультурая тодон-валанъёсты пырто. Со туж умой. Но кулэ луыны оглом радлык — система.

Соин ик, мынам малпамея, республикаямы кылдытоно но юнматоно этнокультуралы дышетонъя концепция. Со юрттысал дышетон удыс азе рос-прос ужпумъёс пуктыны, выжы калыкъёслэн культураоссылы школаосын бадӟымгес саклык висъяны.

Удмурт калыклэн культураезъя ужпумъёс понна ӵемысь «Удмурт Кенешез» гинэ пыкылӥзы. Троссэ асьме вылэ басьтылӥмы, со милям гинэ шугъяськонмы, кожаллям. Нош табере бадӟым оскон кылдӥз: кивалтӥсьёс, депутатъёс, пӧртэм калыкъёслэн огазеяськонъёссы дэмен кариськозы, ужпум интыысьтыз вырӟоз.

Татьяна Ишматова

Туспуктӥз А. Горбунов

Удмурт Дунне
By Удмурт Дунне Декабрь 13, 2017 14:24
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<