Татарстанысь удмуртъёслэн «Мудорвай» вожвылъяськоназы пыриськиз 829 нылпи

Удмурт Дунне
By Удмурт Дунне Декабрь 25, 2017 15:00

Татарстанысь удмуртъёслэн национально-культурной автономизы туэ 2-тӥ арзэ ни ортчытӥз «Мудорвай» вожвылъяськон. Кылем арын конкурсэ 315 пинал пыриськиз вал ке, туэ — 829!

«Мудорвайын» мылысь-кыдысь удмурт кылын кырӟазы-эктӥзы, кылбур веразы, калык выжыкылъёсъя суред лэсьтӥзы ӟуч но бигер пиналъёс.

«Мудорвай» конкурс сӥземын удмурт кылэз азинтонлы. Вожвылъяськонэ пыриськизы нылпи садъёсы но покчи классъёсы ветлӥсь нылпиос. Конкурслэн валтӥсь малпанэз — удмурт культураен тодматон, калыкъёсты огазеян — быдэсмиз, угось удмуртъёс сяна, «Мудорвайын» мылысь-кыдысь удмурт кылын кырӟазы-эктӥзы, кылбур веразы, калык выжыкылъёсъя суред лэсьтӥзы ӟуч но бигер пиналъёс.

Конкурс нимаз-нимаз радъяськиз Татарстанысь 5 ёросъёсын: Бавлы, Балтач, Кукмор, Агрыз но Менделеевск. Коньдонэн юрттӥз та элькунысь удмуртъёслэн автономиенызы кивалтӥсь, ужбергатӥсь Андрей  Герасимов.

Конкурс нимаз-нимаз радъяськиз Татарстанысь 5 ёросъёсын: Бавлы, Балтач, Кукмор, Агрыз но Менделеевск.

Нылпиос медаз жаде шуыса, Агрыз ёросысь Варклед-Бӧдья гуртын, кылсярысь, пиналъёсын шудӥзы бадӟым классын дышетскисьёс, Лӧпшо Педунь, Алдар агай, Пеппи Длинныйчулок но Незнайка кариськыса.

— Бадӟым тау калыкмес гажамды понна, — шуиз Татарстанысь удмуртъёслэн автономизылэн исполнительной директорез Марина Иванова конкурсэ люкаськемъёслы. — Шумпотоно, сомында выжы калыкъёс ӵош люкасько ке. Асьмелэн Россиын ваньмыз умой луоз шуыса оскон кужмоя.

Любовь Михайлова

Удмурт Дунне
By Удмурт Дунне Декабрь 25, 2017 15:00
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<