«Россиысь зарни семья» — Кизнер ёросысь Бызара гуртысь Петровъёс

Удмурт Дунне
By Удмурт Дунне 11 декабря, 2017 16:40
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Кизнер ёросысь Бызара гуртысь Петровъёс.

Россиын ортчылэ «Арлэн семьяез» конкурс. «Россиысь зарни семья» номинациын устоосыз луизы Кизнер ёросысь Бызара гуртысь Петровъёс.

 

Асьме дорын семьяос пӧлын вожвылъяськонэз радъяз Калыкез утён, семья но демография политикая министерство. Ӵошатскон мынӥз 5 номинациосъя: «Трос нылпиё семья», «Егит семья», «Гуртысь семья», «Россиысь зарни семья», «Выжыоссэ утись семья».

Серафима Петровна но Леонид Алексеевич Петровъёс «Зарни семья» ним нуллыны туж тупало. Кыкназы ик дышетӥсьёс. Дышетон стажзы быдэн 53 ар луэ ни, али ке но школалэсь уг ӵыдо. Дышетон удысысь дано дышетӥсь Серафима Петровна ӟуч кыллы но литературалы визьнода. Пусъемын А. Оки нимо премиен. Леонид Алексеевич физикалы но математикалы дышетэ, дышетон удысысь дано ужась, огъя тодон-валан сётон удысысь дано ужась луэ.

Серафима Петровна Бызара школаын 33 ар директор луыса ужаз. Солэн кивалтэмез улсын татын анай кылъёсты дышетонъя проект быдэсъяськыны кутскиз. Кышномурт бадӟым саклык висъялляз удмурт кылэз нылпиос пӧлын вӧлмытонлы. Бызараос доры пумиськонъёсы вуылӥзы «Удмурт дунне» газетын ужасьёс, гожъяськисьёс Егор Загребин, Галина Романова но мукетъёсыз. 2006-тӥ арын школа 1 миллион манет утыны быгатӥз.

Асьсэлэсь 4 пиналъёссэс удмурт кылэз гажаны, дунъяны дышетӥзы. Ваньзы соос анай кылзэс тодо но верасько.

Али Серафима Петровна ӟуч кылъя но литературая урокъёс гинэ нуэ на. Вуоно арын мыло-кыдо кышномурт 75 арессэ тырмытоз ни, но школалэсь, нылпиослэсь люкиськеме уг поты ай, шуэ.

— Ужаме потыса ужасько, — вера С. Петрова. — Картэ но сыӵе ик мылкыдын школае ветлэ. Нылпиос пӧлын висёнъёс вуно, пиналмиськод кадь. Документъёсын вырон гинэ акыльтэ. Озьы ке но яратоно уж вань шуг-секытъёсты вормыны юрттэ.

Петровъёс — котыр ласянь адӟем карымон семья. Котьма карыны вуттӥсько. Азбар тыр пудо вордо на — кечъёссы, парсьсы, чипы-курегъёссы вань, бакчазы бадӟым. Тэк пукон медаз луы. Мылкыд вань ке, ваньмызлы дыр шедьтыны быгатоно, шуо соос.

Кузпалъёс данъетъёс понна уг ужало ке но, туж шумпото, тыршемзэс, семьязэс дунъяло шуыса. Соос 50 арлэсь кема валче уло ни, «За любовь и верность» медален данъямын.

Ангелина Снигирёва

 

Удмурт Дунне
By Удмурт Дунне 11 декабря, 2017 16:40 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<