Маин матэктӥсь быръёнъёс азьвылъёсызлэсь висъяськозы?

Удмурт Дунне
By Удмурт Дунне 29 декабря, 2017 15:00
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Маин матэктӥсь быръёнъёс азьвылъёсызлэсь висъяськозы? Кыӵе выль амалъёс кутӥськозы Россилэсь Президентсэ бырйыку? Та но мукетыз сярысь мадиз Удмуртиысь Быръёнъёсъя валтӥсь комиссилэн (ЦИК) кивалтӥсез Виктор Кушко.

Кызьы кандидат кариськоно?

Та нуналъёсы гинэ Удмуртиысь ЦИК но Общественной палата ӵош ужан сярысь огкыл кутӥзы. Общественной палата аслэсьтыз наблюдательёссэ быръёнъёсты чаклан понна келяны быгатоз. Нош кулэ луиз ке, ЦИК со наблюдательёсты дышетыны юрттоз.

— Президентэ ӵектӥськыны 2 амалъя луэ: адями ассэ ачиз дэмла яке партия сыӵе кичӧлтонэн потэ, — пусйиз Виктор Кушко. —  Быръёнъёсы пыриськыны быгатэ Россиысь 67 партия. Со пӧлысь 4-ез Россилэн парламентаз пыремын. Озьыен, таосыз асьсэ кандидатсэс дэмлан понна кинюртэмъёс бичано уз луэ. Сыӵе шудоос пӧлын «Единая Россия», КПРФ, ЛДПР но «Справедливая Россия». Мукетъёсыз партиос асьсэ кандидатсэс ӵектоно кариськизы ке, 300 сюрс кинюртэм бичано луозы, Россилэн котькуд субъектысьтыз тужгес троссэ — 7,5 сюрсэн.  Асьсэды асьсэос дэмласьёс нырысь ик та сярысь Россиысь ЦИК-лы ивортыны кулэ, собере 500 муртлэсь быръёнъёсъя группа кылдытыны, счёт усьтыны но котькуд субъектысь тужгес троссэ 2,5 сюрс кинюртэм бичаны кулэ. Президентэ кандидат луыны мылкыдзы сярысь самовыдвиженецъёс ЦИК-е 7-тӥ январёзь вазиськыны быгато, партиос — 12-тӥ январёзь.

Кыӵе выль амалъёс?

Ортчемаз быръёнъёсын Удмуртиын 1 сюрс 205 быръёнъя участок ужаз. Россилэсь Президентсэ быръёнъёс дыръя но сомындагес ик луозы. Кутӥськозы-а выль ужан амалъёс? Одно ик. Кылсярысь, юромо быръёнъёслы шаерамы ваемын луоз 140 КОИБ (бюллетеньёсты кутонъя-чакланъя электрон комплекс), 135-ез пуктэмын луозы Ижысь быръёнъёсъя участокъёсын, 5-ез резервын улозы. Матысь дыре КОИБ-ёслэн ужаменызы тодматскон ужрад ортчоз.

Президентэз быръён — туж бадӟым ужрад. Соин ик со шара ортчыны кулэ. Со понна ӧжытсэ 80 процентаз участокъёсын видеонаблюдение пуктэмын луоз. Тужгес но со участокъёс городъёсын, ёрос центръёсын ке. Угось отын  тросгес куара сётӥсьёс луо. Виктор Кушколэн верамезъя, 6 ар талэсь азьло Президентэз бырйыку, 64,5 процентэз калык куаразэ сётӥз. Кӧня луоз таяз учыре, шуг вераны. Но, кызьы пусйиз кивалтӥсь, федерал быръёнъёсы котьку тросгес калык пыриське. Туэ Удмуртилы Тӧро но Кун Кенеше депутатъёсты быръён дыръя явка 34,55 процент гинэ вал.

Дорам ӧй ке луы?

Туэ сӥзьыл быръёнъёс нырысьсэ ортчизы открепительной удостоверениостэк.

— Та амал ассэ умоен возьматӥз, — шуиз Виктор Михайлович. — Президентэз бырйыку но, адями, пропискаез одӥг интыын, нош ачиз та выкытэ мукет интыын улэ ке но, куаразэ сётыны быгатоз. Со понна заявление гинэ азьвыл ик гожтоно. Шуом, тӥ 18-тӥ мартэ кытын ке палэнын луоды, куарадэс отын ик сётэмды потэ ке, МФЦ, «Госуслуги» сайт пыр яке быръёнъёсъя участокады заявление гожтоно.

Нош дась-а ЦИК калыкез бугыръясьёсын ужаны? Угось куд-ог эскерисьёслэн верамзыя, шаерамы но провокациос луыны быгатозы. Куд-ог оппозиционеръёс, пе, талы дасясько ни.

Виктор Кушко пусйиз: ЦИК ваньзэ лэсьтыны кулэ законъя. Урнаын бюллетень уг ке тырмы, озьы ик документъёсы пусъёно. Олома но луэ ук, кин ке бюллетеньзэ сьӧраз кутыса кошке, кин ке воксё кеся.

Та нуналъёсы вузъёсысь студентъёс понна Удмуртиысь ЦИК-ын нимысьтыз пумиськонъёс радъясько. Котькудӥз егитысен ик тодыны кулэ аслэсьтыз быръён правооссэ.

Елена Миннигараева

 

Удмурт Дунне
By Удмурт Дунне 29 декабря, 2017 15:00 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<