Кызьы сузясько Ижысь урамъёс?

Удмурт Дунне
By Удмурт Дунне 18 декабря, 2017 09:30
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Ижлэн йырыз Юрий Тюрин 14-тӥ декабре городлэн куд-ог урамъёстӥз ортчиз, чаклаз, кызьы сузясько сюресъёс.

Снигирёва

Ижын декабрьысен ик лымыез поттылыны кутскизы.

Нырысь Ю. Тюрин Октябрьлы 10 ар ураме вуылӥз. Отын вазь ӵукна ик ужа ни нимысьтыз техника, киязы лопаткаос кутыса, пыдын ветлон сюресъёсты мычыны потӥллям ДРЭУ-ын ужасьёс. Угось уй куспын тачак лымы усиз. Трос лымыяку, сюресъёсты утялтыны пото 100 техника но 100 адями, угось куд-ог интыосы машинаен пырыны уг луы. Бадӟым ульчаос котырысь шуг интыосты сузялля Нина Гусевалэн бригадаез. Соослэн ужан нуналзы 7 часын кутске но йылпумъяське 16 часын.

— Азьвыл аръёсы городысь лымыез февральысен поттыны кутскиськом вал, — вераз Ю. Тюрин. — Нош али декабрьысен, лымы усем дырысен ик, ульчаосты бушатыны ӧдъямы.

Городысь урамъёсты сузя ДРЭУ огазеяськон. Азбаръёсысь лымыез поттонэз ас вылаз басьто управляющей компаниос. ДРЭУ-лэн кивалтӥсез Алексей Краснопёров верамъя, йӧвалег медаз кылды шуыса, бадӟым сюресъёс вылэ пазяло «Ледоруб» реагент, пичи сюресъёсы луоен сылал пызьнало.

— «Ледоруб» суретлэн одӥг тоннаез 9-11 сюрс манет сылэ. Азьвыл ужамы «Бионордэн» — таиз 16-18 сюрс тыр усе вал. Озьы али сюресъёсты возён дунтэмаз, — валэктӥз А. Краснопёров.

Ю. Тюрин верамъя, Ижысь сюресъёсты возьыны вуоно арын висъямын луоз ог 790 миллион манет. Туэ сярысь, со 30 процентлы тросгес. Озьыен, город урамъёс ӟечгес сузяськозы.

Лымы сузянэз но поттонэз капчиенгес быдэсъян понна Ю. Тюрин городын улӥсьёслы вазиськиз, уйлы урамъёс кузя машинаоссэс медаз келлялэ шуыса. Сыӵе йӧнтэмъёс вылэ административной тыронъёс тупатэмын: нимаз адямиослы 500 — 1 сюрс 500 манет, кивалтӥсьёслы — 4 сюрс — 6 сюрс манет, огазеяськонъёслы — 14 сюрс — 24 сюрс манет.

Городын улӥсьёс, сюресъёссы уг сузясько ке, вазиськыны быгато диспетчеръёслы 072 яке 99-80-72 номеръёсъя яке благоустройствоя но сюрес хозяйствоя службае 78-72-78 номеръя. Озьы ик вазиськонъёс кутӥсько Иж городлэн сайтаз «Сделаем Ижевск лучше» сервис пыр. Вань кулэ луись иворез шедьтыны луоз Иж городлэн сайтысьтыз «Гарантийные дороги» люкетысь.

Ангелина Снигирёва

 

Удмурт Дунне
By Удмурт Дунне 18 декабря, 2017 09:30
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<