«Ижысь винтовка»: 20 иськемын ӵошатскиз 102 биатлонист

Удмурт Дунне
By Удмурт Дунне Декабрь 20, 2017 17:21

«Ижысь винтовка» ӵошатскон азьланьтӥське, кылизы на спринтъёс. Туннэ, 20-тӥ декабре, вань спортсменъёс нимазы бызьылӥзы — 20 иськемын ӵошатскиз 102 биатлонист.

Ульяновск улосвылысь Ю. Шопин финишын нырысетӥ вуиз.

Стартэ потӥзы нимо-дано спортсменъёс но: олимпийской чемпион Дмитрий Малышко, Европаысь биатлонистъёслэн кубок понна нюръяськоназы пыриськыса медаль басьтэмъёс: Алексей Слепов, Александр Поварницын, Пётр Пащенко, Эдуард Латыпов, Семён Сучилов. 102 мурт пӧлысь 9-эз вал Удмуртиысь. Учкисьёс соос понна зол висизы ке но, асьме спортсменъёслы со вормон басьтыны ӧз юртты. Зарни медаль басьтон вылысь чылкыт ыбылӥськыны кулэ (угось котькуд кырыж ыбем понна 1 минут ватсазы), нош Удмуртиысь спортсменъёс таяз учыре котькинлэсь но кырыж ыбылӥськизы.

Ханты-Мансийскысь Виктор Николаев.

Стартэ потэмъёс пӧлысь 4 спортсмен гинэ шонер ыбылӥськиз. Одӥгез соос пӧлысь — Ульяновск улосысь Юрий Шопин. 20 иськемез со 52 минут 12,8 секунд куспын ортчиз но 1-тӥ инты басьтӥз. 2-тӥ интые потӥз Санкт-Петербургысь спортсмен Дмитрий Малышко, вормон басьтыны люкетӥз 1 пол кырыж ыбемез. 3-тӥ инты басьтӥз Тюменьысь Евгений Идилов. 6 кужмо спортсменъёс пӧлы шедизы на Илья Серков (Тюмень), Алексей Корнев (Ханты-Мансийск), Эдуард Мустафин (Башкирия). Удмуртиысь спортсменъёс пӧлысь тужгес устоез вал Дмитрий Шамеев — со 33-тӥ интыын. Вормисьёсты ӟечкылазы шаерысьтымы мугорез кыдатон культурая, спортъя но егитъёсын ужан политикая министр Наталья Гольцова, Биатлонъя но Куасэн бызьылонъя федерациосын кивалтӥсьёс Иван Черезов но Тамара Тихонова.

Вормисьёсты ӟечкылан.

Кызьы ивортӥз И. Черезов, Ижын ортчем ӵошатсконын вормисе потэмъёслэн луонлыксы вань Россилэн командаеныз ӵош Европаысь вожвылъяськонэ шедьыны. Но одӥг стартъя гинэ йылпумъянъёс лэсьтыны вазь на, 22-тӥ но 23-тӥ декабре спортсменъёс спринт амалъя вожвылъяськозы.

Биатлонэз учкисьёс но вунэтэмын ӧвӧл. А. Демидов нимо спорткомплексын 22-тӥ декабре Иван Черезов мастер-класс возьматоз пиналъёслы — ГТО-лэсь куронзэ быдэстонъя Россиысь ӵошатсконын вормисе потэмъёслы, нош 23-тӥ декабре 16 часын нырысьсэ ортчоз любительёслэн биатлонзы. Вань мылкыд карисьёсты витё.

Валентина Емельянова

Туспуктӥз автор

Удмурт Дунне
By Удмурт Дунне Декабрь 20, 2017 17:21
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<