Алнаш ёросысь Ятцаз клуб 3 арня талэсь азьло ворсаськиз

Удмурт Дунне
By Удмурт Дунне 25 декабря, 2017 10:30
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

туэ гуртоос Выль ар праздниксэс ӵыпетсы вылын пумитаны дасясько. Отчы кыз пуктозы, со котырын бергалозы. 

Алнаш ёросысь Ятцаз гуртысь клубез 3 арня талэсь азьло пытсазы. Табере гуртоос Выль ар праздникез кытын пумитаны паймо.

 

Байтэрек гурт поселениен кивалтӥсь Алексей Шушпанов верамъя, пу юрт вазенгес аварийноен лыдъямын ни вал. Сое тупатъяса, нокыӵе толыкез ӧй луысал ни. Юртэз пичи — вашкала корка быдӟа гинэ. Ас вакытаз отын контора вал. Берло дыре гуртоос отчы кӧня ке кузя люкаськылӥзы, асьсэ куспын пукон ӝытъёс, ужрадъёс ортчытъязы. Татын ик пенсия люкылӥзы. Но юртэз усьяны пумен кышкытгес но кышкытгес луоз шуыса, сое воксё ворсано кариськизы.

— Гуртын ог 100 улӥсез сяна ӧвӧл. Артысь Байтэрек гуртын бадӟым клуб ужа. Татын ялан концертъёс радъяськыло, палэнысь ансамбльёс вуыло. Гуртъёс вискын 4 иськем гинэ. Туала вакытэ котькинлэн аслаз машинаез вань бере, отчы вуыны шуг-секытъёс уз кылдэ, — шуэ А. Шушпанов.

Нялтас вераса, гурт поселениысь 11 гурт пӧлысь 3-яз гинэ клубзы вань: Байтэрекын, Котнырын но Ӟуннялан. Мукет гуртъёсын ужрадъёсты ортчытъяло Байтэрек клубысь ужасьёс. Калык дышемын ни кадь таӵе улон-вылонлы.

— Котьма ке но гуртоослы люкаськылон инты кулэ, — шуэ Байтэрек клубен кивалтӥсь Виталий Тарасов. — Соин ик малпаськомы Ятцазысь вуж школа юртэз усьтыны, отчы аспӧртэм музей кылдытыны, турмаршрут радъяны. Соку сое шунтыны но луонлык кылдысал. Калык таӵе малпанлы шумпотэмын. Мед гинэ быдэсмоз.

Нош туэ гуртоос Выль ар праздниксэс ӵыпетсы вылын пумитаны дасясько. Отчы кыз пуктозы, со котырын бергалозы.

Елена Сараматова

 

Удмурт Дунне
By Удмурт Дунне 25 декабря, 2017 10:30 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<