Ижын удмурт нылпиос понна Выль ар шулдыръяськон ортчиз

Удмурт Дунне
By Удмурт Дунне 20 декабря, 2017 14:08
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Ижысь Эшъяськон юртын удмурт нылпиос но соослэн анай-атайёссы понна Выль ар шулдыръяськон ортчиз. Ужрад «Билингва» но «Нуныкай» проектъёслэн туэ ар ӵоже ужамзылы аспӧртэм йылпумъян луиз.  

Ужрадлэсь нырысетӥ люкетсэ нуиз «Билингва» проектэз валтӥсь Татьяна Волкова.

Удмурт Выль аре пыриськон понна азьвыл ик Интернет пыр гожтӥськыны луиз.  Гожтӥськон витёнтэм вылысь туж ӝог ортчиз, удмурт Тол бабай доры вуылыны мылкыд карисьёс туэ туж трос вал. Празднике оглом 90 пала адями лыктӥз. Пусйымон: уноез быдэс семьяен. Анайёс сяна, таяз рад трос вал атайёс но.

Ужрадлэсь нырысетӥ люкетсэ нуиз «Билингва» проектэз валтӥсь Татьяна Волкова. Вераськон мынӥз «Билингва» но «Нуныкай» проектъёслэн быдэсъяськемзы пумысен, арлы  йылпумъянъёс лэсьтэмын вал.

Шумпотымон, нылпиос Тол бубалы кылбуръёссэс но удмурт кылын дасяллям.

 

«Билингва» проект улонэ пыӵа 2015-тӥ арысен. Со — 2 кылын вераськись нылпиосты будэтонъя центр. Солэсь ужзэ радъяны юрттэ Нациосын ужан политикая министерство. Та проект огазея анай-атайёсты, удмурт кылъя дышетӥсьёсты но нылпиосты. Пумиськонъёс дыръя мумы-бубыос понна нимысьтыз семинаръёс, котырес ӝӧк сьӧрын кенешонъёс радъясько. Удмурт психологъёс, дышетӥсьёс визь-кенеш сёто семьяын кылдылӥсь шуг-секытъёсъя, нылпиосты удмурт кыллы дышетонъя. Со вискын пиналъёс понна нимысьтыз занятиос, мастер-классъёс ортчо, соос удмурт кылын верасько, суредасько, киужен выро. Таиз ар ӵоже Ижын «Билингва» проектлэн 5 семинарез ортчиз. Эшшо 1 семинар радъяськиз Коми Республикалэн шоркараз, Сыктывкарын. Коми ӵыжы-выжыосмес Татьяна Геннадьевна тодматӥз пиналэз 2 кылын будэтонъя удмурт опытэн.

«Нуныкай» проект сярысь верано ке, таиз улонэ пыӵаны кутскиз туэ 9-тӥ сентябрьысен гинэ. Но соку ик валамон луиз: анай-атайёслы, но тужгес но нылпиослы со туж кулэ! Проект улонэ пыӵаз, «Удмурт Кенеш» огазеяськон юрттэмен, Иж город администрацилэн проектъёсъя конкурсаз 100 сюрс манет грант басьтыса. Пумиськонъёс радъяськизы Ижысь «Сёма» центрын арнялы огпол, субботае. Оглом 12 пумиськон вал. Котькуд пумиськон дыръя нылпиос понна 4 занятие радъяськиз: кылэз волятон, киужен вырон, крезьгурен тодматскон, мугорез кыдатон. Нылпиос 2 группалы люкемын вал: 2-4 аресъемъёс но 5-7 аресъемъёс.

Уноез анай-атайёс тазьы ужан амалэз туж умоен пусйизы. Нош азьланяз, пе, луысал на ужан амалъёсты эшшо но пӧртэмгес карыны, шуом, инкуазе, музейёсы вуылыны. Анайёс куризы на удмурт книгаосын, пӧртэм пособиосын, шудонъёсын тодматыны. Кин тодэ, азьланяз, оло, «Нуныкай» бордысь арняосы ужась нимысьтыз школа но кылдоз ай…

Вуоно аре «Нуныкай» но «Билингва» проектъёс пыӵалозы ни Россиысь Президентлэн грантэз чотын. Шумпотымон, соослэн бурдзы улын ужаны кутскоз удмурт нылпиослы чаклам театр студия но.

Анай-атайёс понна но, нылпиос понна но Выль ар шулдыръяськон зэмос выжыкыллы пӧрмиз.

* * *

Тани кутскиз шулдыръяськон. Выль ар кыз дуре потӥзы Обыда но Шапокляк, Тол бабай, пе, уз лыкты, праздник уз луы. Но йыртэмамзы юнме гинэ луиз, Лымы ныл но Тол бабай вуизы, вань люкаськемъёс, огъя котыртэме султыса, кырӟазы-эктӥзы. Быдэс праздник удмурт кылын гинэ радъяськиз. Шумпотымон, нылпиос Тол бубалы кылбуръёссэс но удмурт кылын дасяллям. Праздникез йылпумъяса, нылпиос ог-огзылы асьсэ лэсьтэм киужъёссэс кузьмазы. Нош Тол бабай «Удмурт Кенеш» огазеяськонлэн нимыныз пиналъёслы ческыт кузьымъёс сётъяз на. Шулдыръяськон туж шуныт, одӥг бадӟым семьяын кадь ортчиз. Анай-атайёс понна но, нылпиос понна но Выль ар шулдыръяськон зэмос выжыкыллы пӧрмиз.

Елена Миннигараева

Туспуктэмъёс: vk.com (Елена Миннигараева)

 

Удмурт Дунне
By Удмурт Дунне 20 декабря, 2017 14:08
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<