Удмуртской ульчаысь пуштэм юртын улӥсьёс Выль арез доразы пумиталозы

Удмурт Дунне
By Удмурт Дунне Декабрь 7, 2017 16:30
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Удмуртилэн Тӧроез пумиськылӥз Ижысь Удмуртской ульчаысь 261 номеро пуштэм юртын улӥсьёсын.

Куашкам юртъя ужпумъёсты эскерон.

Пумиськонэ лыктэмын вал Правительстволэн Тӧроез Я. Семёнов, Иж городлэн йырыз Ю. Тюрин, Иж город Думалэн тӧроез О. Гарин, Тӧролэн советникъёсыз А. Серебренников но Н. Сударикова. Калыклэн трос юанъёсыз люкаськемын: юрт выльдон, компенсация но кредит тырон, огдырлы висъям улон инты, квартиралы коммунальной тыриськонъёс но мукет. Со сяна, шуг-секытэ шедем муртъёслэн телефонъёсазы СМС-ёс вуылыны кутскиллям, квартирадэс воштом яке ватсаса коньдон сётом шуыса.

— Чаклаське, сыӵе иворъёс йыртэмасьёслэсь вуо. СМС-ын сётэм ссылкаез эн усьялэ, эн жингыртэ, соку ик полицие ивортэ. Югдурез утён удысын ужасьёслы но та сярысь ивортэмын ни, йыртэмасьёсты дыраз но ӝог шараяны кулэ, — шуиз А. Бречалов.

Тӧро нырысь ик тау кариз калыклы. «Сообщество» фонд 6 миллион манет мында коньдон люказ. Ваньмыз шуге-леке шедемъёслы люкылэмын луоз. Шуныт кылъёс вераз волонтёръёслы, город администрацилы но нимысьтыз кылдытэм группалы. Али но адямиослы юрттэт сёто, уй-нунал шоры учкытэк.

Ужпум пуктэмын 27-тӥ декабрьлы 1-тӥ-3-тӥ подъездъёсын улӥсьёсты ас квартираосазы лэзьыны. Солэсь азьло, 18-тӥ-27-тӥ декабре, эшшо одӥг пол эскероно квартираосты, газ, ву сётон гумыосты, юртлэсь фундаментсэ. 5-тӥ подъездэз быдэсак сэрттоно. Ма кароно 4-тӥ но 6-тӥ подъездэн, тодмо ӧвӧл на. Юрт борды нимысьтыз маячокъёс юнматозы. Юртлэн дӥньыз пичияк вырӟыны яке воштӥськыны шедиз ке, со соку ик сигнал сётыны кулэ. Калыкез буйгатӥзы на: та юртын улӥсьёслэсь капремонт понна бичам коньдонзэс лэсьтӥськон ужъёсты быдэстонлы уз кутэ.

Пумиськонэ люкаськемъёслэн трос юанъёссы кылдӥзы компенсациос ласянь. Огпол сётӥськись юрттэт — 10 сюрс манет — ваньмыз басьтӥзы ни. 5-тӥ подъездын улӥсьёслы ыштэм ваньбурзы понна ваньзылы 100 сюрс манет сётӥськоз, нош мукетъёсызлы юрттэт висъяськоз нимаз эскеронъёс ортчытэм бере.

Огдырлы улон интыос сярысь но вераськизы. Город вӧзысь «Лесная страна» лагерьын улӥсьёслы ӵектэмын городысь профилакторийёсы выжыны. Н. Сударикова ватсаз, та дыре, пе, анай-атайёслэсь куриськонъёссэс витё пиналъёссэс тол каникулъёс дыръя лагерьёсы келян пумысен. Озьы ик та нылпиос циркын ортчись Выль ар шулдыръяськонъёсы пыриськыны быгатозы.

Сергей Захаров

Туспуктэм: udmurt.ru

Удмурт Дунне
By Удмурт Дунне Декабрь 7, 2017 16:30
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<