18-тӥ мартэ Россиын президент быръёнъёс ортчозы

Удмурт Дунне
By Удмурт Дунне 29 декабря, 2017 09:50

Вуоно арын 18-тӥ мартэ Россиын президент быръёнъёс ортчозы. Та сярысь ялэмын вал ортчем арня пумын.

Россиысь Конституцияя Президентэз быръёмы 6 арлы. Нялтас вераса, законъя быръёнъёс ортчыны кулэ вал март толэзьлэн 2-тӥ арнянуналаз. Но со вакыт тупа нылкышно праздникез пусъёнэн. Сыӵе дыръя быръён нунал мукет арнянуналлы выжтэмын луэ. Соин ик таосыз быръёнъёс толэзьлэн 3-тӥ шутэтскон нуналаз, 18-тӥ мартэ, луозы. Туэ тулыс ай Кун Думаысь депутатъёс законэ сыӵе тупатонъёс пыртӥзы, таин соглаш луиз Федерацияя Кенеш, законопроектэз ӟечен лыдъяз Россилэн Президентэз.

18-тӥ мартэ ик пусйиське Крымлэн Россиен огазеяськемез. Угось ӵапак та нуналэ 4 ар талэсь азьло Крым луиз Россилэн субъектэз.

Пусъёно на: Россилэн Президентэз луон понна вожвылъяськыны луэ 35 арескысен. Со сяна, кандидат Россиын ӧжытсэ 10 ар улэмын мед луоз. Туннэ нуналлы Россилэн Президентэз луон понна вожвылъяськонэ пыриськыны мылкыдзэс веразы ни Россилэн али Президентэз Владимир Путин, ЛДПР партилэн азьветлӥсез Владимир Жириновский, журналист Ксения Собчак, ужбергатӥсьёслэн правооссыя уполномоченной Борис Титов, журналист Екатерина Гордон, «Яблоко» партилэн кивалтӥсез Григорий Явлинский, «Коммунисты России» партилэн ЦК-езлэн тӧроез Максим Сурайкин, эшшо кӧня ке ужбергатӥсьёс, кивалтӥсьёс. Зэм, быръёнъёсы зэмзэ но пыриськон понна соослы ЦИК-лэн регистрациез пыр ортчоно, вань кулэ документъёс бичано луоз на.

Январьлэн шорозяз пӧртэм партиос асьсэ съездъёссэс ортчытъялозы, Президентэ кандидатъёссэс ӵектозы на. Асьсэды асьсэос кандидатэ дэмласьёс бичано луозы 300 сюрс кинюртэмъёс. Парламентэ шедьымтэ партилэн нимыныз кандидатэ мынӥсьёс 100 сюрс кинюртэм люканы кулэ луозы.

Елена ВАСИЛЬЕВА

 

 

 

Удмурт Дунне
By Удмурт Дунне 29 декабря, 2017 09:50
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<