Журналистъёслэсь огазеяськонзэс валтоз Елена Капитоненко

Удмурт Дунне
By Удмурт Дунне Ноябрь 7, 2017 14:47
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Кивалтӥсь Людмила Прокошева ужезлэсь ас мыдкыд каремезъя куштӥськиз – со чӧлскиз арлыдыз но ляб тазалыкез вылэ. ( Л.Прокошевалы 73 арес, огазеяськонэн со кивалтӥз 1996-тӥ арысен). Ас интыяз со ӵектӥз Елена Капитоненкоез.

Туннэ, 7-тӥ шуркынмонэ, Удмуртиысь журналистъёслэн огазеяськонзылэн 12-тӥ ӧтчамзы ортчиз.

Та ужрад азьвыл чакламлэсь азьло ортчиз, малы ке шуоно аслэсьтыз бадӟым ӧтчамзэ вазьгес – туэ 25-тӥ шуркынмонэ- ортчытыны кенешиз Россиысь журналистъёслэн огазеяськонзы. Азьвыл чакламъя, со ортчыны кулэ вал вуоно арын южтолэзе, но соку Президент быръёнъёсын йырин дыр уз луы ни, шуизы огазеяськонын.

Удмуртиысь журналистъёслэн ӧтчамазы Москваын ортчоно съездэ 18 делегат быръемын.

Со сяна, огазеяськонын малпамтэ шорысь воштӥськонъёс ортчизы. Азьвылэз кивалтӥсь Людмила Прокошева ужезлэсь ас мыдкыд каремезъя куштӥськиз – со чӧлскиз арлыдыз но ляб тазалыкез вылэ. ( Л.Прокошевалы 73 арес, огазеяськонэн со кивалтӥз 1996-тӥ арысен). Ас интыяз со ӵектӥз Елена Капитоненкоез. Елена Рудольфовна — Удмуртилэн азьвыл тӧроезлэн пресс-секретарез, со дырозь ужаллямын журналист луыса Ижысь но Нижний Новгородысь телеканалъёсын. Нялтас вераса, Елена Капитоненко – Людмила Прокошевалэн нылыз. Вордскемын 1970-тӥ арын.

Аслаз ужан программаеныз тодматыкуз, Елена Рудольфовна шуиз: мон одно ик тыршо огазеяськонлэсь йылолъёссэ утьыны, ӟеч проектъёссэ азинтыны, ветеранъёслы но егитъёслы саклык висъяны. Со сяна, тыршо огазеяськонлы спонсоръёс утчаны, асьме огазеяськонмес котыр ласянь азинтон сярысь сюлмаськыны. Нырысь быдэстоно ужпумъёс пӧлын, кылсярысь, журналистъёслэн огазеяськонзылэсь сайтсэс усьтон, угось туннэ нуналлы асьсэос ивор поттӥсьёс ивортэк пуко.

Зинаида Рябинина

Удмурт Дунне
By Удмурт Дунне Ноябрь 7, 2017 14:47
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<