Ужзэ азьланьтэ азбаръёсты выльдонъя проект

Удмурт Дунне
By Удмурт Дунне 10 ноября, 2017 12:27
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Шаерамы азбаръёсыз выльдонъя проект улсын тупатэмын-выльдэмын 293 азбар, калык люкаськылон 10 инты. Берло дыре гинэ Дэри, Кияса, Кез черкогуртъёсын, Ува каргуртын азбаръёсыз усьтонъёс ортчизы.

Дэриысь Калинин ульчаын кылдӥз пыдын ветлон сюрес

Дэриослы кулэ парк
Дэриын туэ проект улсын тупатэмын Калинин урам кузя сылӥсь трос этажъем 6 юртъёслэн азбар котыръёссы. Табере отын кылдӥзы пыдын ветлон сюресъёс — азьвыл дэриос машина ветлон сюрес кузя вамышъязы. Югытгес но чебергес луизы урамъёссы но — пуктылэмын выль фонарьёс, киземын турын. Талы ог 3 миллион манет кошкиз, выльдӥськон ужъёсты лэсьтон борды итӥськизы огшоры калык но ужбергатӥсьёс, соослэсь бичамын 149 сюрс манет.
Дэри муниципал кылдытэтлэн йырыз Роман Липин верамъя, гуртоос сюлмасько Кызьпу арамазы пумысен. Ас вакытаз со кылдытэмын вал школаысь биологияя дышетӥсьёсын, отын гуртоос шутэтско, юмшало. Но куд-ог писпуос сисьмемын ни, соос адямиослы кышкытлык кылдыто. Соин инкуазь сэреглэсь туссэ воштон пумысен проект 2011-тӥ арын ик дасямын вал ини, но соку талы уксё ӧз сюры.
Р. Липин пусйиз, ноябрь толэзе ортчытэмын луоз паркез выльдон пумысен кенешон. Гуртоослэн шутэтскон интылэсь туссэ воштон пумысен малпанъёссы, мылкыдъёссы санэ басьтӥськозы. Озьы ик 20-тӥ ноябрёзь вань муниципал кылдытэтъёслэсь витё азбаръёсты тупатъянъя вазиськонъёссэс. Та дырлы вуиз ни 4 вазиськон. Огъя учыръёсы адямиос куро азбаръёсысьтызы нылпи площадкаосты тупатыны.

Сад, шор площадь яке сквер?
Таиз ар шумпотон вайиз Кияса черкогуртысь Северной пролкаысь 4 но 6 номеро трос этажъем юртъёсын улӥсьёслы. Юртъёссы котыртӥ асфальт вӧлдэмын, пуктэмын ӟусъёс, нылпиослы луоен шудон инты, спорт турникъёс. Вань та ужъёсыз быдэстонлы 807 сюрс 300 манет кошкиз, со пӧлысь асьсэос улӥсьёс октӥзы 40 сюрс 400 манет.
— Семьялы со быдэн 2 сюрс манет тыр усиз, — вера одӥгаз коркан улӥсь Светлана Кошурникова. — Зэм, коньдон люканы капчи ӧй вал, но ваньмыз валало: ужъёсыз интыысьтызы вырӟытон понна, ваньмы огкылысь луыны кулэ. Табере туж шумпотӥськом, азбаръёсмы чылкытэсь луизы, тани чебер сапег но дӥсяны курдано ӧвӧл ни, уз саптаськы. Выльдӥськонъёслы шумпотэмын егит семьяос. Нылпиоссылы шудыны нокытын вал, табере пичиоссы, азбарысьтызы кыдёке потатэк, мумы-бубыоссылэн син азязы шудозы.
Та воштӥськонъёслы вожъяськыса, бускель коркаосысь адямиос но юалляськыны вуыло ни, кызьы программае сюрыны луэ.
Кияса муниципал кылдытэтлэн йырыз Александр Краснопёров верамъя, киясаос туж куро, черкогуртысь Колхоз садзы выль омырен мед шокчоз шуыса. Азьвыл татын ёрос шулдыръяськонъёс ортчылӥзы. Проект улсын татын кылдыны кулэ шутэтскон сэрег, нылпиослы шудон инты, концертъёслы сцена, спорт шудонъёслы площадка.
Та сяна, тупатъяно шор площадез но. Озьы ик ёрос администрация дэмла ас пал художниксылы П. Кривоноговлы сӥзем сквер усьтыны милицилэн вуж юртэз интые. Но кызьы выльдӥськоз Кияса, лыдэ басьтӥськоз огшоры калыклэн мылкыдыз.

Тупатъяно 7 сюрс 500 азбарез
Туэ азбаръёсыз выльдонъя проект борды итӥськизы 32 муниципал кылдытэтъёс. Вань ужъёслы кун но элькун бюджетъёсысь 431 миллион манет висъяськиз, 17 миллион манет ватсазы муниципал кылдытэтъёс, 19 миллион манет бичамын вал огшоры калыклэсь. Адямиос проектэ итӥськизы софинансирование чотын, соослэсь быдэстоно ужъёслы чаклам коньдонлэсь 5 процентысен 21 процентозь бичамын вал.
Со улсын азбаръёсын вӧлдэмын выль асфальт, вошъямын тыл езъёс, ву гумыос, озьы ик тупатъямын шутэтскон интыос, пыдын ветлон сюресъёс. Вань ужъёс быдэсъяськизы, калыклэсь мылкыдзэ лыдэ басьтыса.
— Туэ 293 азбарез, 10 шутэтскон интыез тупатыны быгатӥм, — вераз энергетикая, ЖКХ-я но тарифъёсты кун ласянь радъянъя министрлэсь ужзэ быдэсъясь Иван Маринин. — Со адямиослэсь проектлы осконзэс будэтӥз. Нош оглом шаерамы ог 7 сюрс 500 азбаръёсыз тупатоно. Проект 5 арлы чакламын ке, со вакыт куспын 70 процент интыосыз выльдон понна сюлмаськоно. Али ик министерствое вуоно арын тупатыны курыса вазиськонъёс вылысьтыз вылаз вуо: Ижысь Шор площадез, Киров паркез, Глазовысь город садэз, Камбаркаысь Кам шур дурез, Ярын Ф. Васильевлы сӥзем свер кылдытоно.
Удмуртилэн Тӧроез Александр Бречалов верамъя, проект юрттэ калыклы но кивалтӥсьёслы улонэз ӟечомытон понна огкылысь ужаны.

Ангелина Снигирёва

Туспуктэм: udmurt.ru

Удмурт Дунне
By Удмурт Дунне 10 ноября, 2017 12:27
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<