«Удмурт дунне» газет ялэ «Гурт адями-2017» ӵошатскон

Удмурт Дунне
By Удмурт Дунне 16 ноября, 2017 15:56
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Гажано лыдӟисьёс, «Удмурт дунне» газет нош ик ялэ «Гурт адями-2017» ӵошатскон. Газетмы сое 6-тӥ арзэ ортчытэ ни.

Лыдӟисьёслэсь мылкыдзэс лыдэ басьтыса, туэ нош ик «Гурт адями» конкурсэз азьланьтӥськом. Угось ӵошатсконлы йылпумъянъёс ортчытэм бере ужрадлэн кулэлыкез сярысь трос шуныт вазиськонъёс, вуоно аре сое азинтыны куронъёс вал. Тодӥськомы, гуртъёсын адӟем карымон адямиос трос. Но жаляса верано, соослэсь ужзэс мукет интыосын адӟытэк-кылытэк кылё. Соин туж потэ, ӟеч адямиос сярысь мед тодоз но данъяськоз вылэм вань удмурт калык. Угось ӵапак таӵе муртъёс вылын возиське но азинтӥське гурт, калык пӧлын вӧлме удмурт кыл но культура. Оскиськомы, та конкурсмылы луыса азьланяз сыӵе адямиос эшшо но тросгес луозы шуыса.

«Гурт адями-2017» конкурсын, азьвыл аръёсы сямен ик, 3 номинация ялӥськом:

«устоез кивалтӥсь» — колхоз кузё, ужбергатӥсь, кун яке муниципал службаысь ужась, предприятиысь-учреждениысь кивалтӥсь;

«выжыоссэ утись» — удмуртлыкез утён но азинтон понна сюлмаськись;

«ӟеч сюлэм» — калык понна маке пайдаё уж лэсьтӥсь, гуртоосызлы юрттӥсь.

Тодэ вайытӥськом вожвылъяськонлэсь куронъёссэ: вылӥ верам номинациосы ӵектэм адями одно ик гуртын улыны кулэ. Конкурсэ лэзьыны луэ азьвыл дэмлам адямиосты но, соос азьвыл аръёсы вормисе потамын ӧвӧл ке. Адӟем карымон муртсэс одно ик дэмланы кулэ асьсэос гуртоос. Ӟеч адями сярысь пыр-поч гожтэм борды одно ик возьмаськомы туспуктэмъёссэ но. Текстъёстэс ар пумозь лэзьыны куриськом. Ӵектэм муртъёсын быдэсак список поттэм бере яломы куара сётон. Лыдэ басьтӥськозы бумага вылын ӵектэм муртъёс понна кинюртэмъёсын списокъёс но «Удмурт дуннелэн» сайтаз, соцвотэсъёсысь группаосаз куара сётон.

Кинюртэмъёсын гожтэтъёстэс лэзьыны луоз udmdunne@yandex.ru электрон почтаямы, озьы ик луэ гожтэтъёсты келяны факс пыр яке конвертэн редакцилэн адресаз: Ижкар, Карл Маркс ульча, 274 номеро юрт. Конкурслэн ортчемез сярысь быгатӥськоды юалляськыны 43-33-42 яке 8-951-195-37-65 телефон номеръёсъя.

Удмурт Дунне
By Удмурт Дунне 16 ноября, 2017 15:56
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<