Шуге-леке вуэмъёслы быдэн 10 сюрс манет люкылэмын луоз

Удмурт Дунне
By Удмурт Дунне Ноябрь 10, 2017 11:56

Документъёсты дасяло гостиницаын

261-тӥ юртын улӥсьёслы документъёс лэсьтон радъямын Ижысь «Юбилейный» гостиницаын (Пушкинской урам, 247а юрт). Паспорт яке машинаен ворттылон правоез выльдон ласянь юанъёсын вазиськыны луоз полицилэн «меӵак телефоназ» — 8(3412) 59-63-55, 8(3412)59-63-47.

Югдурез утёнъя министр А. Первухин ивортэмъя, полицие 4 адями вазиськиз, та коркаын улӥсь ӵыжы-выжыоссэ ыштӥз шуыса. Югдурез утисьёс котькуд вазиськонэз али эскеро, юалляськонъёс ортчыто.

Россиысь кышкытлыклэсь утиськонъя министр Владимир Пучков но элькун Тӧро А. Бречалов чаклазы, кызьы эвакуацие шедемъёслы юрттэт сётон радъямын.

Калык интыямын школаосы

Пуштэм коркан 120 улӥсьёс — пӧлазы 22-ез нылпиос — интыямын Ижысь 83 но 86 номеро школаосы. МЧС-ын ужасьёс коркаез эскерем бӧрсьы соосты лэзизы квартираосазы пыраны но документъёссэс, коньдонзэс, коӵыш-пуныоссэс кутыны.

Кылемъёсыз улӥсьёс — оглом 500 котыр адями — интыямын шоркарысь гостиницаосы но санаторийёсы.

Юрттэт — 10 сюрс манет

Россиысь кышкытлыклэсь утиськонъя министр Владимир Пучков но элькун Тӧро А. Бречалов эвакуацие шедемъёс доры вуылӥзы. Чаклазы, кызьы радъямын юрттэт сётон. Шуге-леке вуэмъёслы одӥг пол быдэн 10 сюрс манетэн люкылэмын луоз. Кин бадӟымгес юрттэтлы кулэяське — соосын кивалтӥсьёс нимаз кенешозы.

Ольга Корепанова

Туспуктэм: udmurt.ru

Удмурт Дунне
By Удмурт Дунне Ноябрь 10, 2017 11:56
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<