Ижкарын Гогольлэн бульварез выльдӥськиз

Удмурт Дунне
By Удмурт Дунне Ноябрь 10, 2017 12:13

4-тӥ ноябре Ижын улӥсьёслы но куноослы эшшо одӥг кузьым лэсьтэмын: сӥё-дано усьтэмын Гогольлэн бульварез.

Ижкарын Гогольлэн бульварез выльдӥськиз

Шор площадьын шулдыръяськыса, тросэз адямиос кыстӥськизы бульвар пала. Лыктӥзы вылӥ кивалтӥсьёс но — Удмуртилэн Тӧроез Александр Бречалов, Ижлэн йырыз Юрий Тюрин, Россиысь Лэсьтӥськонъя но ЖКХ-я министерствоысь департаментэн кивалтӥсь Оксана Демченко.
— Малпасько, городъёсын улонэз ӟечомытонлы сӥзем кун программа одӥгез тужгес пайдаёез луэ, сое умоен лыдъяз Президент Владимир Путин, туж возьма ни вал калык но, — бульварез усьтыса, вераз Александр Бречалов. — Шумпотымон, элькунмы отчы мыло-кыдо пыриськиз, азямы вань пуктэм ужпумъёсты быдэстӥм.
Гогольлэн бульварез но выльдэмын городъёсын улонэз ӟечомытонъя кун программа чотын. Солэн огъя дуныз 44,8 миллион манет луиз, та пӧлысь 30,6 миллионэз — Россилэн казнаысьтыз, кылемез — Удмуртилэн но Ижлэн кисыосысьтызы.
Кыӵе луыны кулэ та инты — та сярысь берло аръёсы трос вераськонъёс мынӥзы. Ӧжыт гинэ отын ӧз ӝужалэ трос этажъем коркаос. Но городын улӥсьёс, огъя кариськыса, сое утьыны потӥзы, отысь писпуосты коранлы пумит луэмзэс веразы. Калык пала соку дурбасьтӥз элькун кивалтэт.
Табере татын кылдӥзы пыдын поръяны вӧл-вӧл интыос, шутэтскон ӟусъёс, отын љытазе но югыт. Проектсэс дэмлазы Москваысь «Стрелка» компаниысь экспертъёс. Но лыдэ басьтэмын калыклэн но мылкыдыз — таин валче проектэ ог дасо воштонъёс пыртэмын вал. Тужгес бадӟымез вормон — тросэз писпуос коратэк кельтэмын.
Бен, татын трос малпанъёсты пыӵатыны луоно на. Пӧлазы ӧжыт уз луэ, вылды, «али но татын» кылдӥсь дэмланъёс. Кылсярысь, бульварез усьтыку ик, ӵектон вуиз ни: Гогольлы но солэн произведениосысьтыз персонажъёсызлы сӥзем синпелет усьтоно. Нош Ижлэн йырыз Юрий Тюрин, та малпан борды басьтӥськыса, скульптураослы конкурс сярысь соку ик ялӥз. Отчы, пе, вань мылкыд карисьёс пыриськыны быгатозы.. Выль бульвар котырын интыяськемын Мунё театр, Удмурт кун университет, крезьгуръя элькун колледж, 24-тӥ лицей — ӵапак егитъёслы поръян инты. Соин но тросэз шуизы: выль усьтӥськем бульвар шоркарлэн шорсюлмыз луыны быгатоз.

 

Элина Васильева

Туспуктӥз Э. Карипов

Удмурт Дунне
By Удмурт Дунне Ноябрь 10, 2017 12:13
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<