Иже вуиз Великой Устюгысь Дед Мороз

Удмурт Дунне
By Удмурт Дунне 29 ноября, 2017 15:59
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Туннэ, 29-тӥ ноябре, Иже вуиз Великой Устюгысь Дед Мороз. Выжыкылысь песятаез Удмуртие вайиз НТВ телеканал. Россиысь журналистъёсын валче со быдэс кунысь 60 городъёсы вуылыны чаклало.

Дед Мороз сюрес вылэ потӥз бадӟым ужпумен — пумиськыны но шумпоттыны анай-атайтэк будӥсь пиналъёсты, секыт югдыре сюрем пичиосты но бадӟымъёсты.

Дед Мороз но солэн юрттӥсез, НТВ каналысь «Своя игра» шудонэз нуись Пётр Кулешов Россиез котыръяны потӥзы ни 1-тӥ ноябрьысен. Сюресъёссы Владивостокысен кутскиз. Ижкар 12-тӥез город луиз.

Дед Мороз сюрес вылэ потӥз бадӟым ужпумен — пумиськыны но шумпоттыны анай-атайтэк будӥсь пиналъёсты, секыт югдыре сюрем пичиосты но бадӟымъёсты. Кезьыт буба нырысь ик шуныт пумиськон ортчытӥз Ижысь пиналъёсын. Пичиос песятайлы юанъёссэс сётъязы. Соослы тунсыко потӥз, дедушлы кӧня арес ини, кызьы со ваньмызлы уй куспын кузьымъёс люкылыны вуттэ. Нош 7 аресъем Полина Дед Морозлы ас киыныз кузьым дасям — суред. Пумиськонэ ваньмыз лыктэмъёс Устюгысь кунолэсь дуно кузьымъёссэ басьтӥзы.

Дед Мороз но юрттӥсьёсыз Ижын 2 нунал улозы, вуылозы нылпи больницаын гематологиын кыллись пичиос, нылпи юртын улӥсь пиналъёс доры.

Куно вераз, нылпиослэсь но бадӟымъёслэсь 3 миллионлэсь ятыр гожтэтъёс вуизы ини шуыса. Тросаз нылпиос асьсэ семьязы, сюлмаськонъёссы сярысь гожто.

Дед Мороз но юрттӥсьёсыз Ижын 2 нунал улозы, вуылозы нылпи больницаын гематологиын кыллись пичиос, нылпи юртын улӥсь пиналъёс доры. Отысь нылпиослы Дед Морозлэн вуэмез сярысь юромо верамын ӧвӧл, мед, пе, лыктэмез выжыкыл выллем луоз. Куноос Ижысь пӧртэм тунсыко интыосты учкыса потозы на. Но одно ик удмуртъёслэн культураенызы тодматскыны пыралозы «Лудорвай» музей-заповеднике.

Ангелина Снигирёва 

Удмурт Дунне
By Удмурт Дунне 29 ноября, 2017 15:59
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<