Зинаида Рябинина: Милям юртмы — камышлэсь…

Удмурт Дунне
By Удмурт Дунне Октябрь 26, 2017 13:36

Зинаида Рябинина, валтӥсь редактор

Гожтӥськи Москваын реновацилы пумит петиция улэ.

Валасько, шоркар сыӵе быдӟым проектэ пыриськиз бере, провинциосысь адямиослэсь мылкыдзэс лыдэ басьтӥсь уз луы ни, но сюлэм уг чида…

Москваысь вуж коркаосты — «хрущёвкаосты» — туэ куашкатъяны кутскизы — отын улӥсьёслы выль юртын выль квартира сёто. Вожъяськыса бырод, милям угось тросэз али ке но сисьмем баракъёсын уло на, сыӵе «хрущёвкаос» но куд-огез понна — быдэсмонтэм малпан.

Огласянь, мар мынам уже — Москва кыдёкын. Но куке тодӥськод, кыӵе уксёен та проект улонэ пыӵа… Мон пумит огъя федерал бюджетысь «реновацилы» коньдон висъяны — пӧртэм источникъёсъя со 2017-тӥ-2020-тӥ аръёс ӵоже 600 миллиард манетозь вуыны кулэ.

Бен, Москва — шоркар, со чебер луыны кулэ, но малы ваньмыз чотын? Малы гуртысь сюресъёсты тупатъян понна одӥг-кык иськемлы но коньдон йыбыртъяса портыны кулэ, малы газ понна асьсэды гуртоосты уксё тырыто, нош уксё поттыны быгатӥсьёс ик майбырак уло? (Москваын шоро-куспо уждун — 70 сюрс манет котыр, Удмуртиын — 24 сюрс.) Реновация, нялтас вераса, юртэз куашкатытэк тупатъян, сэзъян шуэмез возьматэ, но улонын пӧрме… малпамлэсь но умой! Кин ке понна. Зэм, пӧртэм каналъёсты учкиськод-кылзӥськод но паймиськод — москваос асьсэос но таин ваньмыз соглаш ӧвӧл, пе! Дасезлы шумпотӥсьёс но пумитъяськисьёс шори люкисько — куд-огезлэн чик но уг поты дышем интызэ воштэмез, угось данакез коркаос улыны ярамонэсь на. Интервью сётӥсьёс верало: солэсь пайда потто банкъёс но лэсьтӥськон фирмаос, турлы менеджеръёс.

Номыр уг воштӥськы… Кинлы ке ваньмыз инмысь усе, нош кин ке, копейкаен люкаса, мырдэм но кызьы пичи ке но квартира уськытыны выре, долевой лэсьтӥськонэ пыре но… номыртэк кыле. Одӥгез тодмое корказэ 10 ар возьма ни! Суд но, депутатъёс но номырин юрттыны уг быгато. Москва кыдёкын, нош ми — кин-о?

Удмурт Дунне
By Удмурт Дунне Октябрь 26, 2017 13:36
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<